القطآيف اللذيذه تهبل بشكل 😢💔
من قلب حبيتها ومع القشطه والفستق والشيره آخر حلاوه 😋😋😋👌🏻
بتجربونها وبتعجبكم متأكده 👍🏻
المقادير للقطايف :-
- كوب طحين أبيض + كوب سميد ناعم جداً يسمونه ( فرخه )
- خذه دايم من محل ( بن منقاش ) .
- ملعقتين كبيره سكر بودره .
- ملعقه كبيره حليب بودره .
- ملعقه صغيره بيكنج بودر .
- نصف ملعقه صغيره خميره .
- نصف ملعقه صغيره ملح .
- كوبين ونصف ماء .
طريقة التحضير
نخلطها بالسلك اليدوي لين تنعم ويصير القوام أخف من قوام البان كيك ونتركها ترتاح نصف ساعه بعدين نحمّي الصاج ونبدأ نشكلها دوائر اللي تحب تكون متساويه تستخدم مقياس واحد 👌🏻
وكيف تعرفين إنها ناجحه معك ؟
إذا طلعت الفقاعات بالعجينه أول ماتصبينها ع الصاج إذا ماطلعت يعني الخليط خفيف بزياده عادي ضيفي عليه ملعقة طحين واخلطي وجربي لين تطلع معك الفقاعات وبعدين أول ماتشوفينه تحمر من تحت ومن فوق استوى خلاص شيليها وبعدين وهي دافيه قفليها للنصف عشان تلزق بسهوله .
وآخر شيءً نعبّي القمع بالقشطه ونحشيها ونرشها بالفستق وعند التقديم نحط الشيره . .* الشيره :-
طريقتها / كوبين سكر + كوب ماء + م ك عصير ليمون
ونخليها تطبخ ع النار تقريباً ١٠دقايق وتصير جاهزه 👌🏻
وطريقة القشطه راح أكتبها في البوست الجآي >>#وصفات_رمضان_عبير_العميره
