| الفطيره البقسمآطية الخنفشآرية 🔥| أول شيء في صحن عميق أضيف كوب كامل ماء دافي + 4 م ك حليب بودرة + م ك سكر + م ك خميرة فوريه نخلطهم مع بعض ونخليهم شوي لين تتفاعل الخميرة ..
بعدين في العجانه : نضيف بيضة وحده + م ص فانيلا سائلة + اصبع زبدة 100 جرام + 3 م ك سكر .. بعدين نضيف خليط الحليب والخميره ..
وآخر شيء نضيف المقادير الجافّة :
3 أكواب وثلث طحين أبيض استخدمت ( فوم ) وينفع أي طحين متعدد الاستعمالات + نص م ص ملح + م ص بيكنج بودر .
نعجنهم بالعجانة مجرّد يندمجون خلاص نوقف ونغطيها ترتاح ساعة بعدين نشتغل عليها .. .
وبعد مانشكّلها على حسب الرغبة نخليها
ترتاح نص إلى ساعه إلا ربع قبل الفرن وندخلها فرن مسبق التسخين يكون ساخن 200 درجة مئوية بالرف الوسط مشغل من تحت لمن تنتفخ وتبدأ تستوي وتتماسك أشغل المروحه من فوق وتحت توزع الحراره وتعطي لون جميل للمخبوزات 👌🏻 .
وأول ما تطلع من الفرن أحب أدهن الوجه بشكل خفيف بالزبدة ” اختياري ” .
. ** الحشوة :.
دجاج صدور مبردة ناخذها ونقطعها ونتبلها على حسب الرغبة وبعدين نشوّحها ع التاوه لين تستوي مع الملح والبهارات اللي تحبونها ..
بعد ما تستوي نقطعها قطع صغيره ونخلط معها :
بطاطس مهروس .. طريقتي السهله فيه :
أغززه بالسكين من كل الجوانب وبعدين أدخله المايكرويف من 7-10 دقايق ممكن تزيد أو تنقص على حسب المايكرويف وحجم البطاطس ..
إذا صار طري واستوى نشيل القشرة ونبشره بالمبشره على الدجاج ونضيف الأنواع الثلاثه من الأجبان : موزريلا ، قشقوان ، تشيدر ..
ونضيف معهم فلفل حار مجروش + أعشاب مثل :
بقدونس مفروم أو مجفف ، وشوية نعناع أو ريحان مجفف ، كزبرة مجففه ونخلطهم مع بعض ..
بعدين نكورهم كور على حسب الحجم اللي تحبونه وبعدين نحشيها جوا العجينه ..
. ** البقسماط :.
تبّلته ببودرة ثوم + فلفل أحمر + أعشاب ايطالية .
** الكريمه اللي استخدمتها : كريمة طبخ أغمس طرف الكوره من فوق وبعدين أحطها ع البقسماط عشان تمسك فيه وأرتبهم بالصينيه ويكون بينهم مسافات بسيطه عشان يتخمرون على راحتهم ..
** ملاحظة :: 1- ممكن بدال الماء وحليب البودرة نضيف حليب طازج كامل الدسم أو حليب مبخر .. بوني ، وادي فاطمة .. الخ .
2- ممكن نضيف مع الطحين أعشاب أو أي نكهة بهارات تحبونها .
3- البيضة إذا عندك حساسية منها احذفيها عادي .
#مخبوزات_عبير_العميرة
