– الشآورمآ الخيآليه بخبز القرصان الخفيف –
أطلللق شآورما صلحتها في حيآتي من جد مميزه وروعه 👌🏻
الشباب راح يعشقون هالوصفه وبيدمنونها على ضمانتي اعتمدوها خاصه برمضان 😍👍🏻 طبعاً حقوق الوصفه محفوظه للشيف : محمد الفارس .. شرحها ع اليوتيوب شرح وآضح ومفصّل لازم تشوفون الفيديو اسم قناته باليوتيوب 🙁 فن الطبخ ) طبعاً جربت على طريقته : الشاورما + الثوميه + البطاطس المقلي ..
وكلها ممّيزه وراح اعتمدها دائماً وأبداً :.
لمن تطبقون الوصفه على طريقته بالتفصيل راح تذوقون شغل فاخر بمعنى الكلمة 😍👌🏻
راح أكتب لكم المقادير نفس ماكتبها الشيف وأشرح شرح مبسّط للطريقه ..
– قطع الدجاج :
٤ قطع فخذ مع الجلد .
٣ قطع ساق مع الجلد .
٤ قطع صدور بدون جلد .
– التتبيله :
( نصف عصير برتقال والنصف الثاني نقطعه مكعبات مع القشر ونحطهم بالخلاط .
نصف عصير ليمون والنصف الثاني نقطعه
مكعبات مع القشر ونخلطهم بالخلاط .
وملعقه صغيره لكل من :
كركم +
كمون +
ثوم بودره +
هيل مطحون +
زنجبيل بودره +
بابريكا +
قرفه مطحونه +
بودرة يانسون ( ماكانت عندي ولا اضفتها ) +
ملح
نصف كوب لبن قليل الدسم أو علبة زبادي قليل الدسم . ) – الطريقه :
نخلطهم بالخلاط ونضيفهم على قطع الدجاج ونتركهم بالثلاجه ٢٤ ساعه .
بعدين نطلعم من الثلاجه ونضيف عليهم كوب ماء فاتر ونخليهم على جمب لين يصير الدجاج بدرجة حرارة المطبخ وبعدين نجيب صينية الفرن او صياني حوافها رفيعه ونروح للدجاج ونحاول نتخلّص من الماء ونصفه جمب بعض وندهن وجه الدجاج بالزيت وندخلهم للفرن من فوق بسسس
والرف حق الفرن نرفعه لأعلى شي ( فيه بنات يقولون كيف يستوي الدجاج ؟ راح يستوي بسرعه لان الطبقه رقيقه جداً اذا شفتو الدجاج انكمش وتحمر معناته استوى يمكن ١٠ دقايق تزيد وتنقص حسب حرارة الفرن .
ناخذ الزيت اللي طلع من الدجاج ونحطه بعلبه والدجاج نجمعه على لوح التقطيع فوق بعض ونقطعه عشوائي وبعدين نحشيه في خبز مفرود او تورتيلا او خبز صاج أو خبز القرصان اللي استخدمته ونحط المكونات اللي نحب أنا حطيت ( ثوميه + دجاج الشاورما + البطاطس + البقدونس المفروم ) ونلف الخبز على شكل رول وندهن الصاج أو آلة التوستر بالزيت اللي نزل من الدجاج بعد ما تحمصونه تقدّمون معه مخلل الخيار والشطه لأن المخلل لمن تجيه الحراره يذبل وحلاته يقرمش واستمتعو بألذذذذذ وأطعم شآورما 😩😋👌🏻🍗
البطاطس المقلي :
ضروري تشوفون مقطع الشرح باليوتيوب للشيف محمد وضروري يكون عندكم مقياس حراره للي حاب يجرب الوصفه بالتمام 👌🏻..
جربته وكان رووووعه خاصه للي يحبون البطاطس مقرمش ماينشبع منه 😋
