السينامون
جرّبو العجينة مررره ممتازه بس عشان تكون مره مضبوطه وطريّه .. أول تخمير ساعتين .. بعد التشكيل : نتركها ترتاح برضو حوالي نص ساعة ثم ندخلها الفرن 🔥
” طريقة العجينة :
المقادير
- ٤ أكواب و ثلاث أرباع الكوب طحين أبيض استخدمت الكويتي مع ظرف واحد كامل من الدريم ويب ..
- نص م ك خميرة فورية
- ربع كوب سكر
- م ص ملح
- كوب كامل ونص حليب طازج كامل الدسم
- نص اصبع زبده بارده طريّه = 50 جرام
- 1 بيضة
نضيف المقادير الجافه مع بعض ثم نضيف البيضه والحليب ونشغّل العجانة ونخليها تعجن على البطيء لين تلتم على بعضها ثم نرفع السرعة للوسط ونضيف الزبده قطعة قطعه لين تنسجم مع العجينه وتصير عندك عجينه ملمومه وناعمه وطريّه بنفس الوقت ..
نتركها تتخمر ساعتين ثم نشكّل السينامون رول ..
خلطة السينامون :
ملعقة كبيرة مليانه زبده طريه
نفركها مع ثلث كوب سكر بني
ثم نضيف ملعقة ونص كبيره من القرفه + ملعقة كبيره من الطحين الأبيض ونحركهم لين يندمجون زين مع بعض ..
وهذي الخلطه نضيفها على طول على العجينه بدون مانحط زبده أبد .
إذا لفّيتوها رول الأفضل تقطعونها بخيط أو سكينة كبيرة حادة جداً ..
” الفرن : يكون مسبق التسخين على درجة 350 فهرنهايت مشغل من تحت 15 دقيقة تقريباً ثم أشغل من فوق لين تاخذ لون حلو 👌🏻
•الصوص الأبيض : حليب مكثف محلى مع جبنة فلاديفيا اذا تبونه خفيف علبة كاملة كبيره مع نص علبة الجبن حجم 200 جرام واذا مااعجبك القوام حطي علبة الجبن كامله .
أما الكاراميل : فأستخدم الجاهز
اللي تجرّبها تعطيني رآيها ، عساها هني و عافية على قلبكم 🤍✨
