* السالمون اللذيذ * 😋🙊💘
أعششقه عششق أتلذذ فيه من جد 🙊😋 طعم وشكل يجذذذبني مررره 😩💘 … …
– طريقته ولا أسهل منها بس يبي لكم تفهمون الخطوات ويطلع عندكم سالمون ولاألذ 😋👍 … .
. * الطريقه :
١- أول شي السالمون أخذته من نستو وأحيانا من التميمي كلها طازجه ولذيذه 😍👍
٢- السالمون ماتغسلونه أبداً إذا كان قطع فيليه لأن اذا غسلتيه بالمويه اغسلي يدّك منه 🙊. ، امسحيه بفوطه مبلله وشيلي الزوائد إذا فيه زوائد وتأكّدي اذا غسلتيه راح تزيد زفرته + تتلف الانسجه ويتأثر القوام والشكل و يمكن يتفتت معك بسهوله .!
٣- نجيب صاج أو تاوة ونرفع النار على اعلى شي لين تحتمي التاوه بعدين نضيف شوي زيت زيتون ونحط السالمون على جهة الجلد عشان نبيها تتحمر وتصير مقرمشه ثمن أضفت ملح وفلفل أسود على السالمون نفسه .
وع التاوه نفسها ع الزيت اضفت بهارات ايطاليه + أوراق الريحان عشان تعطي نكهه حلوه .
٤- راقبي السالمون يمكن ياخذ دقيقتين الى ثلاث على كل جهه أنا أحب أقلبه على كل الجهات الاربع عشان يعطيني لون مميز ويصير من برا متماسك ومن جوا طري .
٥- مايطول ع النار يمكن ١٠ دقايق وبعدين نطفي النار ونخليه ٧دقايق زياده في التاوه قبل مانشيله .
٦- نجيب قدر صغير ونحطه ع النار فيه ربع زبده مع عصير ليمونه وفص ثوم مهروس . ( هذي الطريقه ماتتخيلون كيف تعطي لذااااذه غير شكل ) 👍
– وعند التقديم : نصبها ع السالمون قبل مانشيله من التاوه.
بعدين نقدمه مع بطاطس مهروس أو مشوي وجرجير وليمون .. وبس خلصنا سهل وطعمممم يوديك لعالم ثاني أموت عليه 😋 وبألف عافيه على قلوبكم ❤️…….
. – ملاحظه /
١- تقدرون تضيفون ثوم مهروس + قشر ليمون للي يحبون يتبلون السالمون قبل .
٢- انتبهو انكم تحطون ملح او ليمون مع التتبيله ! الملح تضيفونه عليه مباشره أثناء الطبخ والليمون بعد ما يستوي السالمون . .
مره متحمسه للتطبيقات 😍 وشكرا ًمره على تشجيعكم ودعمكم ❤️ أحبكم 😘😘 الله يسعدكم جميعا ً💐💐 #صحي_مع_عبير_العميره
