الروكي رود

** الروووكي رود بطريقة عبير العميره ** يهبل وسهل جداً جداً يعني ماتقولين خاف مايضبط !
إلا بيضبط ويطلع وش حلوه 😋👌🏻.

. – الطريقه :-
بحمام مائي /
شوكلاته بالحليب أي نوع أو جالكسي تقريباً 300 جرام + 80 جرام شوكلاته غامقه ( مو شرط تتقيّدون بقوه بالجرامات بس أبي أوضح لكم الأفضل تخلطون بين النوعين عشان يعطيكم طعم موزون ومايذوب بسرعه )
+ ربع اصبع زبده
+ نصف كوب كريمة خفق
+ حبتين سنكرس ( حجم وسط ) مو ضروري تقدرون تستغنون عنه بس حبيته إضافه لذيذه 😋

نخلطهم كلهم مع بعض لين تذوب كل المكونات مع بعض .

بعدين الحين كل وحده ومزاجها تبدّع باللي تحب :
بالنسبه لي حطيت /
4 حبات بسكوت دايجستف مكسّر + 7حبات لوتس مكسّر + 6 حبات الجوزاء مكسّر + نصف كوب تقريباً مالتيزر + نصف كوب تقريباً ميني كتكات يجي كور صغيره .

ونخلطهم مع المكونات اللي ذوّبناها بحمام مائي .
واللي تحب تضيف المارشملو تحطه بالفريزر قبل عشان مايذوب وأفضل شيء ماتحطون البساكيت والشوكلاته ساخنه خلوها تدفى شوي .

وبعدين نجيب صينيه حجم صغير مربعه او مستطيله عادي المتوفّر عندكم ونحط فيها ورق زبده أو نايلون ونرص فيها الخليط ونرتبه وإذا تحبّون تحطون ع الوجه زي ماصلحت ضروري تضغطون عليهم باصبعكم شوي عشان يثبتون وبعدين بالثلاجه يتماسك .
عند التقطيع السكينه تكون حادّه والروكي رود يكون بحرارة المطبخ عشان تقدرون تقطّعونه بسهوله .

و آخر شيء تفلسفت وحطيت خطوط شوكلاته أنا أشوف مالها داعي وأنا أختكم 😁 و ترى بربرتي واجده والا الموضوع مافيه أسهل منه 😇

على فكره تذكرت تقدرون تتحكّمون في حلاه يعني اذا حسيتي حالي زيدي الشوكلاته الغامقه 😘 .
وجعله صحّتين وعافيه على قليباتكم 💜