( الخبز الأسمر بالزيتون ) 🍞🌿
خبز لذيذذذذ من ألذ المخبوزات بالنسبه لي ولو بدّعتو فيه بالحشوات راح يكون شيء خرافي 😍👌🏻
:: المقآدير + الطريقه ::
١- بالعجانه : نضيف ٣أكواب دقيق أسمر استخدمت ( afm ) وينفع أي دقيق حتى لو أبيض بس ضروري يكون الدقيق متعدد الاستعمالات او مخصص للخبز وراح يختلف قياس الماء ، ونضيف معه ملعقه صغيره ملح ونخلطهم مع بعض على سرعه هاديه .
٢- نضيف ملعقتين طعام زيت زيتون أو أي زيت خفيف .
٣- ملعقة طعام خميره فوريه نضيفها مع نصف كوب ماء دافي ونخليها ٥دقايق لين يتضاعف حجمها وبعدين نضيفها بالعجانه .
٤- آخر شيء نضيف زياده كوب كامل ماء دافي وراح تتشكل العجينه بهالوقت نرفع السرعه للمتوسطه ونخليها تنعجن ١٥دقيقه واللي ماعندها عجانه تعجنها ٢٥دقيقه ، وبعد العجن نضيف نصف كوب زيتون اسود + نصف كوب زيتون أخضر مقطع قطع عشوائيه حجم متوسط .
استخدمت زيتون اخضر شرائح بالفلفل الحار يجننن 😋 ونعجنهم مضبوط مع العجينه .
٥- بعدين نجيب وعاء عميق مدهون بالزيت نحط العجينه وندهن على وجهها بالزيت ونغلفها ونحطها بمكان دافي ومظلم راح يساعد ع التخمير مضبوط 👌🏻راح تحتاج ساعه تقريباً عشان تتخمر .
٦- بعد التخمير نجيب صينيه ونشكّل العجينه على حسب الرغبه واذا حبيتو تصلحونه صامولي او توست ينفع 👌🏻
على حسب رغبتكم 😍 المهم بعد التشكيل نخليها ترتاح برضو لين يتضاعف الحجم أقل شيء ٣٥ دقيقه ، وبعد ماارتاح دهنته بحليب ورشيت شوفان .
٧- ندخلها لفرن حار جداً جداً ويكون مشغّل من تحت على درجة ٤٥٠ فهرنهايت تاخذ وقت من ربع إلى ثلث ساعه انتبهووووو يكون الفرن بارد راح يكون الخبز ناشف اذا كان الفرن بارد .
واللي عندها مروحه بالفرن اذا تحمر من تحت وبدى يستوي شغلي المروحه من فوق راح تعطيك لون للتحمير جمييييل 👍🏻
٨- أول ماتطلعونه من الفرن تغلفون الصينيه بقصدير وفوق القصدير منشفه وبعدين سفرة طعام وتكتمونه مضبوط ١٥ دقايق تقريباً . هالحركه تخليه طري جداً لذيذ😋👌🏻 وبألف عافيه على قلوبكم يارب ♥️✨
. :: بعض المقترحات ::
١- ممكن إضافة أي نوع حبوب أو خضروات أو أعشاب مجففه أو طازجه . كل وحده تبدع بالنكهات اللي تحبها .
٢ – ممكن تقطعونه شرائح وتقدمونه مع الفطور أو تصلحونه بقالب التوست وتقطعونه شرائح راح يكون عندكم خبز توست بالزيتون رووووعه 🙊.
ملاحظه مهمّه / جربت بالحليب السايل و جربته بالماء
والأفضل بالنسبه لي صار الماء لأنها عطتني قوام خبز ،
الحليب بيعطي قوام ساندويتش يعني راح يكون طري ولين ينفع تحشونه حشوات مختلفه يكون مثل الفطائر وتضمنون إنه ماينشف أبد 👍🏻#مخبوزات_عبير_العميرة
