:: التوست الفرنسي ::
😋👌🏻 صبآحكم سعآده همّه ونشاط و تفآؤل 😍
أحب الصبآح وأجواء الصبآح والنشآط بالصبآح دايم غير شكل تنجزين كل أعمالك مو بس بعضها 💪🏻👏🏻 .
المهم هذي الوصفه لذيذه وسهله وتعتبر صحيّه 👍🏻
:: الطريقه ::
١- نجيب توست أسمر ونشيل الحواف أنا الصراحه ماأشيلها واللي تبي تشيلها على راحتها .
٢- ندهن الشريحه بزبدة الفول السوداني ( الخشنه ) مو الناعمه بهالوصفه الخشنه ألذ بكثير 😋👌🏻
٣- نقطع موز شرائح ونصفّه فوق زبدة الفول السوداني ونضيف فوق رشة قرفه مطحونه على حسب الرغبه .
٤- نغطيهم بشريحة ثانيه من التوست ونخليهم على جمب .
٥- نصلح هذي الخلطه :
بيضتين + ملعقتين طعام حليب سايل + شوي ملح + نصف ملعقه صغيره فانيلا سائله .
نخلطهم بالسلك اليدوي لين يمتزجون وبعدين نقلب التوست فيه ونخليه يتشرّب الخلطه مضبوط .
٦- آخر شيء نقلبه على شرائح لوز من الجهتين .
٧- نجيب تاوه أو صاج أي شيء متوفر عندكم ونحط شوي زبده + شوي زيت زيتون وعلى نار وسط نحط التوست يتحمر من الجهتين .
٨- عند التقديم : نحط عليه شوي عسل طبيعي أو مربى .
بالنسبه للي مايبون يكون صحّي ترشون عليه
سكر بودره أو خطوط من النوتيلا .
وعساه صحّه وعآفيه ع الجميع يارب ♥️✨
