* التمر السكري المحشي * 😍😋👍 .
هذي الفكره ألذ من اللذاذه عششقي اشوفه مااقاومه أبدددد 😩💘😋 يعني هذي الأيام صار التمر مع القهوه مسحوب عليه وبقوه فصرنا نقدّم التمر بهالشكل خطييير 😍 وكلن له طريقته وبكتب لكم طريقة أمي ما أقاومه أبد نقطة ضعفي 😩💔 .، :
– الطريقه /
نجيب تمر سكري ونجيب سكّين حاد ونفتح فيه التمر يعني نطلع (النّوى) زي فكرة الساندوتش يعني لاتنقسم التمره لنصفين لا بس من جهه وحده ونحشيه بسكوت شاهي أو داجستيف مجروش أقرب الى الناعم + طحينه يعني على حسب الكميه نحاول نوازن بين الطحينه والبسكوت ونحشي التمر لين تخلص الكميه ” الطحينه خذو نوعية لذيذه
… اذا خلصنا نسوي الكاراميل أو تشترونه جاهز ..!
، – طريقة الكاراميل /
اول شي نجيب علبة قشطه ونحطها بصحن عميق فيه ماء حار ونخليها على جنب ونجيب قدر ونحط فيه كوب سكر + فنجال قهوه ماء + ملعقة شاي ( ملح ) ونخليه ع النار لين يصير لونه ذهبي مايل للبني فاتح بس راقبوه زين وبعدين نضيف القشطه ونخلط بالسلك اليدوي بسرعه وخفّة يد لين يتمازج ويطلع عندك توفي ولا ألذ 😋👍
وهو ساخن جيبي لك صحن كبير وصبي فيه التوفي وخليه قدامك يبرد شوي وبعدين جيبي التمر وغمسيه بالتوفي من جهة الحشوه وبعدين اضيفي عليه اللي تحبين سمسم + فستق + لوز مجروش + جوز الهند محمص .. الخ .
وبعدين حطي خطوط خفيفه من الحليب المكثّف المحلّى .. وبألف ألف عافيه على قلوبكم 😘❤️
