احلى شاورما دجاج 😋💔
الطريقة:
نقطع الدجاج شرايح
ونتبله بعصير برتقال وليمون وزيت ومعجون طماطم وزبادي وملح وفلفل اسود وفلفل ابيض وفلفل حار وبابريكا وبهار حلو وكمون وقرفة وهيل وزنجبيل بودرة
ونخليه بالثلاجة اقل شي ساعتين ولو ليلة بيكون افضل 👌🏻
ممكن تحمسوا قطع الدجاج بشوية زيت او ممكن بالفرن نحطه بالصينية ويكون طبقة وحده مانحطه فوق بعض
ونكون مشغلين الفرن من بدري على اعلى درجة من فوق وتحت وندخل الدجاج الفرن تقريبا ياخذ من ٧ الى ١٠ د
نجهز البصل يكون مقطع شرايح نحط عليه ملح وملعقة كبيره سكر وخل وسماق ونعصره باليد لين يطرى ونحط عليه بقدونس
طريقة الخبز : ٣ اكواب دقيق مع ملعقتين كبار زيت وملعقة كبيرة سكر وملعقة كبيرة خميره فورية وملعقة صغيرة ملح ونضيف كوب مويه دافية وممكن اكثر ونعجن تقريبا ٧ د ونغطي العجينة ونتركها تتخمر ساعة
نقسم العجينة ونفرد كل قطعة وعلى الصاج نحمرها من الجهتين تحمير خفيف
الثومية
الطريقة:
على النار ٣ ملاعق كبيره نشا مع ملعقتين كبار خل وثلاثة ارباع كوب مويه ونحرك لين يثقل ونتركه يبرد
نحط خليط النشا بالخلاط مع ٦ فصوص ثوم وربع
كوب زيت نباتي وشويه ليمون وملح وملعقة كبيرة
مايونيز وملعقتين كبار زبادي
نجيب الخبز وندهنه بالثومية ونحط الدجاج ومخلل الخيار والبصل وبطاطس مقليه ونلفه ونحمره
#hemoo00oo
