| أكواب الكوكيز 🍪|
1- نخلط بالسلك اليدوي :
- اصبع زبدة 100 جرام بحرارة المطبخ
- نص كوب سكر أبيض
- نص كوب سكر بني ولمن يمتزجون نضيف عليهم
- بيضه كاملة
- م ص فانيلا سائلة
- ثمن نضيف كوبين وربع طحين أول شيء أضيفي كوبين واذا احتجي الربع أضيفيه أو اكتفي بكوبين مع نص م ص ملح .
- وآخر شيء نضيف نص كوب شوكلاتة تشيبس اللي يجي حبات صغنونه مره أخذته من خبايا الشوكلاته
2- نجيب كوب أو فنجان أو الصينيه المخصصه لأكواب الكوكيز أخذتها من تافولا وموجوده أتوقع بساكو المهم ترتبون العجينه مع الضغط داخل الكوب أو الصينيه وتضغطونها مضبوط عشان ما تتفكك معكم وبعدين تدخلون الصينيه لفرن مسبق التسخين على درجة حراره 350 ياخذ وقت للحجم الوسط من 8 دقايق الى 10 والحجم الصغير
لا يتعدى 8 دقايق عشان ماينشف بزياده .
3- أول ما تطلعونه من الفرن وهو ساخن ادهنوه من داخل بأي شوكلاته تحبونها وبعدين تطلعونهم من القوالب بهدوء و تدخلونهم الثلاجه تتماسك الشوكلاته والكوكيز نفسه يتماسك بعدين بدّعو بالتقديم على حسب ذوقكم .. .
وبألف عآفيه 💕
