| أصابع التورتيلآ اللذيذه |
أول شيء الحشوة :
استخدمت صدور دجاج مبردة ماركة انتاج شرّحتها بدون ما أوصل للنهاية بعدين جبت صحن وخلطت فيه : . متبل ايطالي + عصير ليمون + بابريكا حار أو بارد + بهارات شاورما + فصين ثوم مهروس وخلطتهم مع بعض بعدين خلطت الصدور مع التتبيلة وغلفتهم يتشربونها أقل شيء نص ساعه .. بعدين ع الشوايه شويتهم شوي سريع بس يتماسكون مو شرط يستوون بالكامل أهم شيء أقل من عشر دقايق عشان ماتنشف بعدين نفككهم بالشوكه ونخليهم على جنب ..
نجيب تاوه وسيعه نضيف فيها شوي من المتبل الايطالي و نشوّح فلفل رومي ملون مقطع شرائح رفيعه ونضيف جزر مقطع شرائح رفيعه ونحرّكهم بس يذبلون شوي نرجع نضيف الدجاج وبعدين نضيف عليهم جبن سائل مخفف بشوي ماء ومخلوط معه بهارات ايطالية ونحركهم مع بعض وماننسى نضيف الملح ونخلي الحشوه تبرد بعدين نخلط معها موزريلا وقشقوان عشان تذوب وقت القلي وتعطي لذاذه .. الحين يصير عندي خبزة تورتيلا أقطعها على شكل زائد يصير عندي 4 قطع أحط الحشوه ع الطرف وأثني الاطراف ع الحشوه بعدين الفها رول
واثبتها بالعود الخشبي .. بعدين أغمسهم بالبيض وأقلبهم بالبقسماط أو الشيبس الصحي زي ما سويت ونقليهم بزيت غزير ساخن ونقدّمهم مع صوص حار وصوص رانش .. .
واستمتعو باللذاذه 🤤👌🏻
#وصفات_رمضان_عبير_العميره
