مساكم الله بالخير اخواني المتابعين وكيف حالكم عساكم بخير عملت طريقة أجار المانجو أو طرشي المانجو الهندي وهو نوع من المخللات الهندية اللذيذة والمشهيات يؤكل مع الرز او الخبز اويستخدم لخلطات البرياني اللذيذه
المكونات
مانجو أخضر. اربع حبات كبار
البهارات الناعمه م ك كركم. م ك فلفل احمر ناعم م ك ملح البهارات الصحيحه كزبر عدل وحبة حلوه وحبوب الكمون نوعين وملعقتين حلبه نحمسهم ونحطنهم ونص كوب خل ونص كوب زيت الخردل او اي نوع زيت وملعقتين من حبوب الخردل ضروريه
الطريقة:
جهزت كيلوين ونص حبات مانجو أخضر وقطعتهم مربعات
خلطت معاهم الكركم والفلفل الأحمر البارد والملح وتركتهم على جنب
جهزت مقلاة وحمست البهارات الصحيحه المذكوره فوق وطحنتهم خشن
وجهزت مقلاة كبيره اخرا اضفت فيها نص كوب زيت الخردل او زيت عادي
ثم أضفت ملعقتين كبار من حبوب. الخردل وحمستهم لما سمعت
الفرقعه أضفت قطع المانجو وحمستهم اربع دقايق
ثم أضفت ملعقتين من البهارات الي طحناهم خشن وحمستهم معاهم
ثم أضفت نص كوب خل وحمستهم
نسكر على الحمسه 4 دقايق تتجانس
نتركها تبرد ثم نعبيها بالبرطمانات
ونتركها بالشمس ثلاث ايام
وبعد ذالك راح تحصلون على أجار مانجو او طرشي لذيذ وفاخر ورائحته
جميله تأكلونه مع الرز او الخبز او تستخدمون لخلطة البرياني مدة التخزين 6 شهور بالثلاجه
اذاعجبكم المقطع لاتنسوني بالايكات والكومنتات الجميله 🌹
