أحدث الوصفاتالساندوتشات والمعجنات

بيتزا برجر خطيرة

بيتزا برجر خطيرة

النهاردة هنعمل دمج بين أقوى أكلتين فى الكوكب .. البيتزا و البرجر من غير كلام كتير يلا بينا 😍😍

المقادير

  • نص كيلو لحمة مفرومة
  • خلطة البرجر من (كنور)
  • جبنة موتزاريلا
  • جبنة شيدر للبرجر
  • خيار مخلل، مشروم، بصل، بيف بيكون (اختيارى)

المقادير

  • ٣ كوبايات دقيق
  • كوب إلا ربع مياه (دافية مش سخنة)
  • معلقة سكر
  • معلقة خميرة
  • ٣ معالق كبار زيت زيتون
  • رشة ملح و زعتر

(الصوص)

  • معلقتين كبار مايونيز
  • معلقة كاتشب
  • معلقة مستردة
  • معلقة سويت ريليش او خيار مخلل مفروم.

طريقة التحضير

هنخلط اللحمة المفرومة مع خلطة البرجر و نشكل واحدات برجر صغيرين و نشوحهم لحد ما يتسووا.

فى كوباية هنحط المياه، ١٠ ثوانى فى المايكروويڤ و نحط عليها الخميرة و السكر و نقلبهم و نغطيهم و نسيبهم ١٠ دقايق لحد ما يخمروا و يعملوا رغاوى زى فى الڤيديو كدة.

بعد كدة فى بولة هنحط الدقيق و عليه الزيت و الملح و الزعتر و عليهم بقى المياه مع الخميرة و السكر و نعجن كله مع بعض لحد ما تلم معانا بالكامل و تبقى كورة كدة نسيبها و نحط عليها شوية زيت زيتون من بره و نغطيها و نسيبها تخمر .. ساعة على الأقل.

فى صينية البيتزا هندهنها زيت زيتون و ننزل عليه العجينة و نفردها فى الصينية

بعد كدة نحط صوص البرجر فى النص و عليه الجبنة الموتزاريلا و نحط البرجر و البيف بيكون و المشروم و الحاجات دى كلها و نقفل بالجبنة الشيدر

فى فرن و على درجة حرارة عالية (بالنسبة لى ٢٤٠) و بنسيبها حوالى ٢٠ دقيقة مع المتابعة.

هنطلع بيتزا برجر خطيرة و طعمها حلو جداً، جربوها و قولوا لنا رأيكم 😍

المصدر: @muhammedhazem

5/5 - (3 أصوات)

Mohammed Hazem

- TikTok Hero Award 2020🥇(Best food content 2020 middle east) - Cook/food blogger ‎- مرجع المطاعم - Lotus king‎- #بشاميل_الخميس - Burgers Addict

اترك تعليقاً

زر الذهاب إلى الأعلى