الإسكالوب
النهاردة عندنا وصفة شديدة الخطورة … عارف البفتيك و جماله أو فى روايات اخرى الإسكالوب .. هنحشيه جبنة و لحمة مدخنة .. بس كدة .. تعالى أحكيلك
هنحتاج بفتيك و ندقه و نحط عليه ملح كوكس البينك الجديد (الهيمالايا) و فلفل و نحط جبنة امنتال و لحمة مدخنة و نقفله بالشكل اللى فى الڤيديو نقفل بالكيس كويس علشان يلم على بعضه.
هنجيب بقى بيض و دقيق و بقسماط پانكو او بقسماط عادى بس البانكو بيعلى الاداء خالص .. بعد كدة ننزل فى زيت غزير و يكون حرارته عالية بعد كدة نوطى علشان يستوى من جوه كويس.
بعد كدة نحمر شوية بطاطس بلدى و نديهم شوية من ملح الهيمالايا بتاع كوكس.
هناكل احلى طبق جديد و مبتكر و شكله عالمى .. جربوا البفتيك الخطير ده و قولوا لنا رأيكم 😍😍
