سمك بالفرن سمن حتى البحر فيه سمن 😂
طبختنا بتعتمد على خلطة بعلمكم فيها
كزبره / شبنت / بقدونس/ بصل أخضر/ ثوم / قشر الليمون / فلفل حار
البهارات
فلفل اسود / كمون / كركم / ملح / كزبره / واذا عندكم بهارات البيت عطوها شوي
كل المذكور فوق ينضرب بالخلاط
السمك تكون مغسوله ومملوحه ومعصور عليها ليمون
نتبله بالخلطة ونصف عليها ليمون وبصل وفلفل أخضر
ندخلها الفرن على حراره ٢٠٠ لمدة ٤٠ دقيقة نار فوق وتحت
الرز نفس المتبقى من خلطة السمك حمسناها مع زيت زيتون
كبينا رز العايلة المغسول ومنقوع أكثر من نصف ساعة
نقلبه مع الخلطة بشويش لا يتكسر
ونمرقه يعني نصب عليه ماي مغلي
ويكون الارتفاع ٢ سانتي كفاية
نحرك الرز نفك مع الخلطه
نرفع النار بمجرد ارتفاع الرز ننزل
الحشوة ان وجد ونقصر على النار
نتركة ٢٥
التقديم نجيب السمك ونحطها بالوسط والرز من حواليها
وبس بالعافيه
