《بسكوت التك المالح》
.
بعد ما سويت العجينه .. تفاجأت ان ماعندي قطاعه مستطيله 😑🤨 تصرفت بأي شي عندي 😏 لو كان في قطاعه كان طلعو مرتبين اكثر 🙃
.
الى السوووووق 🏃♂️
.
تعالوا وجربوها .. المقادير بالسانتي والملي .. الطعم فاجأني شخصيا .. موعارف ليش مأجل الوصفه من زمان؟! 🤔 انطلبت بالتعليقات وتذكرتها .. المهم
.
◾المقادير:
.
🔹️كوبين طحين متعدد الاستعمالات
🔹️٣ م.ص باكنغ باودر
🔹️ملعقه كبيرة سكر
🔹️نص ملعقه صغيرة ملح
🔹️٦ ملاعق كبيرة زبدة بااااااردة مقصصة مكعبات صغيرة (يعني حوالي خمس وسبعين جرام)
🔹️ملعقتين كبار زيت نباتي
🔹️ثلثين كوب ماء بااارد مثلج
.
◾الطريقة:
.
🚩 بمحضرة الطعام .. المكينة اللي فيها شفرة نحط :
.
🔸️الطحين والسكر والملح والباكنغ باودر ونشغل المكينة ثواني علشان تختلط المكونات
.
🔸️نضيف الزبدة ونشغل المكينة pulse
عدة مرات لثواني .. يعني نشغلها ترر ونوقف ترر ونوقف ترر ونوقف … مو نشغلها باستمرار ترررررررر
.
🔸️الهدف بس تمتزج الزبدة مو تذوب بالطحين
.
🔸️نضيف الزيت ونكرر العملية نشغلها ترر ونوقف ترر ونوقف ترر ونوقف
.
🔸️الان .. نشغل المكينه سرعه منخفضة ونضيف الماء بشكل خيط رفييييييع من الفتحه فوق .. على قولة هديك الوحده .. على شكل خيط سرسوب 😂😂
.
🔸️المهم نستمر تررررررر لما العجينه تلم على بعضها وتصير تاخذ شكل الكرة
.
🔸️نطلعها ونلفها بنايلون .. ونخليها عالطاوله ترتاح عشر دقايق .. نكون جهزنا الصينية مبطنة ورق زبدة او لبادة سيليكون
.
🔸️نرش طحين ونفرد العجينه بسماكه رقيقه .. نفس رقة الكريب تقريبا
.
🔸️نسوي فيها ثقوب .. وندخلها الفرن حرارة ١٧٠ من تحت فقط .. لما تشقر من تحت .. وبعدين نشغل فوق نحمرها
.
🔸️نطلع الصينية .. وندهن البسكوت هو وساخن زبدة .. ونرش ملح بحري خشن ونتركه يبرد
.
🔸️لاااااازم هالحركه وإلا ما راح يلزق الملح .. والطعم اصلا بيطلع خووووورااافي 🥰
.
🔸️وبس .. تبرد واستمتعوا فيها وادعولي 🙏🏻⚘
.
#بسكوت_كلحه #محمد_الكلحه
.
.
