| شوربة الشوفآن باللحم 😋👌🏻 |
1- بصله حجم وسط نفرمها ناعم ونحط عليها شوي زيت بالقدر ونكشن لين يذبل البصل ويصفر لونه .
2- نضيف قطع اللحم مع العظم أفضل مع العظم يعطي طعم لذيذ للشوربه ونكشن مضبوط على نار عاليه لين يتغير لونه .
3- نضيف عليه 3 طماطات حجم وسط مفرومه ناعم جداً مع نص علبة معجون الطماطم ، وبهارات الشوربه تكون البهارات عدله مربوطه بقماش أو الشاش ، ونقلّب أقل شيء 10دقايق مهمّه فقرة التكشين تعطي طعم لذيذ👌🏻
4- بعدين نضيف 6 أكواب ماء مغليه ونغطي القدر ونخلي حرارته وسط أقرب إلى الهاديه لمدة نص ساعه .
5- بعدين نضيف من 8 إلى 9 ملاعق طعام شوفان كويكر ونحركه بالسلك اليدوي ونغطّي القدر ونخليه على نار هاديه لمدة نص ساعه .. بعدين نشيل البهارات واستمتعو باللذاذه مع الليمون 😋💦✨
** إضافات لذيذه : مثل الشعيريه ، أو بعض الخضروات مثل الكوسه والجزر وكل وحده وذوقها 😘 و جعلها هني و عافيه على قليبآتكم ❤️
** البهارات العدله مثل : ( كمون ، كزبره ، حبات هيل ، قرفه ، ورق غار ، فلفل أسود ، ليمون أسود وإذا حصلتو ليمون أشقر أفضل 👌🏻) .
