♥️اللهم بعدد احرف القرآن اسعد قلب كل من ذكرك وصل على نبيك
♥️.. .
خبز الحبوب بنكهة البصل محشي جبنة فيتا 😍👌تبارك الله الشكل لوحده جباااااار😍
المقادير
- 3 أكواب دقيق
- ملعقة اكل خميرة
- فنجان قهوة سكر تقريباً
- نصف اصبع زبدة 50 جرام بحرارة الغرفة
- علبة زبادي
- كوب حليب سائل دافىء مو مغلي
- بصل ابيض مقطع ناعم ومحموس بشوي زيت لين يذبل شوي بيعطي العجينة نكهة لذييييذة -جبن ابيض فيتا مقطع مكعبات للحشوة (اختياري)
طريقة التحضير
– نخلط الدقيق مع الملح والخميرة بس حاولي تخلطين الملح بالدقيق قبل تضيفين الخميرة عشان مايبطل مفعولها ثم نخلط بالخلاط البصل المحموس والحليب والزبادي والسكر
ونعجن الدقيق بالزبدة ثم نضيف الخليط اللي خلطناه حتى تصبح عجينة متماسكة لينة بس ماتلصق بيدك
وبعدين تخذينها قبل تخمر وتفردينها بيدك شوي وتضيفين جبن ابيض (فيتا) وممكن ماتضيفينها او ماتحبين. ونقفلينها وتكورينها وتحطينها بصينية الخبز بعد ماتدهنينها زيت وتغطينها لين تتخمر وتبدا ترتفع ونتركها تتخمر وبعد ماتخمر ادهني وجهها بصفار بيضة وشوية حليب وشوي فانيلا سايلة ونقطة خل عشان زفر البيض
وزيني وجهها بسمسم او بذور الكتان او حبوب دوار الشمس او اي شي متوفر عندك وشرحي وجهها بالسكينة عشان تاخذ شكل حلو وبعدين دخليها فرن ساخن حتى تستوي وحمري الوجه وقدميها بالعافية😍
او ممكن تدخلين الصينية بالقلاية الهوائية تاخذ من 25 الى 30 دقيقة على درجة حرارة 120 بالقلاية
واذا حطيتيها بالفرن على درجة حرارة 150
وياسلام سلم 😍👌 .
@mayomah22 . . .
