| شوربة حب مررره لذيذه ومشبّعه | الحب حب قمح يشبه حب الهريس بس يستوي بشكل أسرع جرّبوه مره حبيته وأدمنته
من دخل رمضان .. يسمّونه : حب شوربة أخذته من محل عذق الجزيرة بس شوفو بالسوبرماركات عند قسم المحامص أكيد موجود .
أول شيء آخذ كوب من الحب وأغسله مضبوط
و بعدين بالقدر :
أحمس لي بصله مقطعه مكعبات صغيره
مع شوي ثوم مقطع قطع صغيره جداً لمن يذبل البصل وياخذ لون أضيف قطع دجاج أو لحم على حسب رغبتكم ، بعدين أضيف البهارات :
كركم ، فلفل أسود و أحمر ، بهارات شوربة لمن يتماسك الدجاج واللحم وياخذ لون حلو أضيف عليه طماطم مقشوره معلبة ماركة الهناء مع العصير مايحتاج زيادة معجون طماطم بعدين نخلطه يتسبّك مضبوط ونضيف تقريباً لتر ماء مغلي وبعدين نضيف حب الشوربة و نخليه على نار هادئه لمدة ساعة يستوي .. و بألف عافيه على قلوبكم 💕
