ويا مساء النور ع الحلوين 😻👋🏻
وصفتنا اليوم لذيذه و مرررره سهله يحبها قلبكم🤸🏻♂️♥️
سليق على طريقه ماما مع الدقوس الحار🤦🏻♀️🔥♥️♥️
آول شي و الأهم نسوي مرقه الدجاج :
نحتاج دجاجه كامله أو نص دجاجه نضيف عليها بهارات صحيحه الي هيا هيل ، فرقه ، قرنفل ، ورق غار ، كزبره ، فلفل اسود ..
فصين ثوم كامله و بصل مقطع بالنص و زنجبيل اخضر ..
ولا تنسو الملح ✨
نسلق الدجاجه مع كل المكونات الي ذكرتها الين تستوي تماماً..
بعدين نطلع الدجاجه من القدر و نصفي الشوربه حقت الدجاج لأنو حنستخدما في الرز طبعاً..
في نفس القدر الي سلقنا فيه الدجاجه نرجع المرقه بعد ماصفيناها و نضيف الزر “الزر لازم يكون رز مصري أو الرز الي حبته قصيره لأنو معروف بالنشا الي فيه وبيعطينا قوام حلو للسليق ✨
⛔️ضروري تنقعو الرز قبل الطبخ بساعه اقل شي ⛔️
و تاكدو من الملح في الرز و لما يبدأ الرز يتستوي و تنشف مويته نضيف كأسه ونص حليب سائل أو بودره الي متوفر عندكم و اخر شي قطعه زبده أو سمن ✨
ثاني شي الدقوس “سلطه حاره تتقدم مع السليق و مرررره لذيذه مقدر اكل السليق بدونه 🤦🏻♀️🌚
في محضره الطعام : نضيف حبتين طماطم 🍅 ، بصل اخضر🌱 ، كزبره ☘️ ، فلفل حار 🌶 نخلط كل المكونات مع بعض و في قدر ع النار نشوح فصين ثوم و نضيف الخليط الين يأخد طعم الثوم ولا تنسو تحطو ملح و ليمون اخر شي يطلع دماااارررر😩😻
و الدجاجه تبلتها بملح و فلفل اسود و كمون و رشيت عليها زيت زيتون و دخلتها الفرن عشان تتحمر 🍗🔥
طبعاً تختلف الطريقه السليق من وحده لوحده احنا كذا طريقتنا في طريقه ثانيه يستخدمو المستكه بس مو متوفر عندي :”(
وبالعافية عليكم مقدماً حبايب قلبي ولا تنسو اذا جربتوها توروني تطبيقاتكم ♥️♥️
