《مفروكة فستق》
مفروكة الفستق يا اما نسويها بفرك الكنافه او نسويها بالسميد .. بس ايش رايكم اني سويتها بالبسكوت المطحون 😏👌🏻
جدا سهله وسريعه و #لذيذة_لذاذة_اللذوذين_كلهم😋👌
لعمل العجينة
- 🔸️١ كوب من بسكوت الشاي المطحون
- ١ كوب فستق حلبي مطحون
- ١ م.ك صلصة فستق أو زبدة (انا استخدمت صلصة فستق كوت اند فل طعمها غني وحقيقي ويعزز طعم الفستق بالوصفه)
- ٢ م.ك ماء زهر
- ٢ م.ك ماء ورد
- ٢ م.ك شيرة حلويات
لعمل القشطه
- لتر حليب كامل الدسم
- ٢ م.ك خل ابيض
- ٣ م.ك سكر بودرة
- ٢ م.ك قيمر
- ١ م.ك ماء ورد
طريقة التحضير
🔹️بمحضرة الطعام نحط كل مكونات العجينه وممكن نضيف نقطه ملون طعام اخضر اذا حابين ونشغل المكينه تررررررررررررر
🔹️ممكن نتحكم بطراوة العجينه باضافة المزيد من الشيرة
🔹️المهم نعجنها باليد شوي .. وناخذ منها كرة صغيرة ونشكلها على كيفنا مو لازم نفس ما انا سويت
🔹️انا حطيتها بقالب مبطن ورق نايلون وسويت حفرة حشيتها قشطه وقدمتها مباشرة .. راااائعه ولذيذة
🔹️بالبرنامج سويتها نفس البقشة وخليتها مفتوحه من فوق والقشطه باينه .. طلع شكلها اذرب واحلى 😍
🔹️شرايكم؟
🔸️القشطه .. غليت الحليب وبس بدا بالغليان نزلت الخل وطفيت النار .. فصل القشطه عن الماي
🔸️صفيت القشطه ورميت الماي
🔸️اضفت للقشطه السكر والقيمر وماي الورد وصارت جاهزة 🤗
#رمضان_كلحه_٢٠١٨
#٢٠١٨_كلحه
