الكبده

السلام عليكم ورحمة الله وبركاته .
طبعا امس كتبتولي طرقكم وبصراحة
كل طريقة احلى من الثانية .
وانا اخذت من كل طريقة شي .
بصل ابيض ثوم
فلفل اخضر بارد وحار الفلفل البار نصف حبه حطيت .
طماطم فرش حطيت نص حبه .
ملح فلفل اسود كركم شوي كزبرا ناشفه .
علشان ما ابي اغير طعم الكبده .
حمست البصل والصوم واللومي مع زيت زيتون
تالي حطيت الكبده
طبعا انا غسلتها في ناس ما تغسلها عادي .
اللي اعرفه دايما يقولون لا تغسلون الكبدة
طبعا انتو حسب ذوقكم .
اخر شي الطماط والفلفل ودقائق فقط
حلاتها ما تكون مستوية حيل علشان ما تقسى بالاكل . والقيمة الغذائية اتم موجوده .
مع شريحة ليمون وخبز وبالعافيه .
وشكرا على طرقكم اللي افدتوني فيها كلكم متابعيني خير وبركة . وما قصرتو ..
اذا عندكم اي اضافه كتبوها لنا واكون شاكره لكم .❤️❤️❤️