الباچا

السلام عليكم ورحمة الله وبركاته متابعيني الراقيين اللي احبهم ويحبوني ويحترموني مثل ما انا احترمهم ❤️❤️❤️
المهم مثل طلبتو شفت ردودكم الجميله اللي اسعدتني ربي يسعدكم وانكم تبون الطريقه
فنزلته لكم .
الباچا فقط تنظيفها صعب لكن طبخها من اسهل ما يكون .
اول شي سلقتهم عشر دقايق بماي مغلي مع كركم وهيل علشان تطلع اي زفره . وطبعا شوفو الماي شلون نظيف حتى الرغوة ما اطلعت من نظافتهم .
—
تالي شخلتهم وغسلتهم عالخفيف .
حطيت بالجدر شوي زيت وحطيتهم كلهم مع بعض
وحطيت عليهم بصل مقطع كبير وفص ثوم على عدالها ما فرمتهم .
لومي اسود المدور ورق غار دارسين عود بهارات مشكله صحيحه وهيل وبهار مشكل وشوي كركم وفلفل اسود وكزبرا مطحونه وحمستهم عدل والريحه كانت اتينن.
تالي حطيت عليهم ماي مغلي وأخذ مني وقت ساعتين فقط .
الملح والطماط الفرش اخر شي
الطماطم قصرها اربع قطع .
وهذا الشكل النهائي نتيجة رائعة جدا
الطعم كان اينن مو علشان انا طابخته لا
لان اشتغلت فيه صح وطبخته صح وبمزاج وحب ❤️
جربو هااشي اللذيذ ترا قيمته الغذائية جدا مفيدة للجسم والعظم والبشرة .
ان شاء الله يكون فيديو الطريقة واضح لكم متابعيني
ولا تنسوني من دعواتكم وكلامكم الطيب .
وكلمة تقدير وشكر مني لكم على كل كلمه كتبتوها في حقي بالفيديو اللي قبل هذا كل الحب لكم ما تتصورون اشكثر اسعدتوني بكلامكم الراقي الله يسعدكم أضعاف ما تتمنون قولو آمين ❤️
واللي عندها طريقة حلوة لهذي الطبخه تكتبها لنا والله يجزيها كل خير