مكرونة مبكبكة وايت صوص
النهاردة هنعمل وصفة سهلة جداً فى حله واحدة و طعمها خطير، هنعمل مكرونة مبكبكة بس وايت صوص … ايوه وايت صوص تعالى احكيلك….
المقادير
- نص كيلو صدور فراخ مخلية
- ربع كيلو مشروم
- كيس مكرونة
- زبدة
- لتر لبن
- خلطة ١١ بهار (كنور)
- مكعب مرقة دجاج (كنور)
- ٢٠٠ مل كريمة (اختيارى)
طريقة التحضير
هنحط الزبدة و ننزل عليها بالفراخ و المشروم و عليهم ال١١ بهار و نقلب لحد ما يستووا ننزل عليهم بالمكرونة و نديها تقليبة تشرب من الفراخ و المشروم بعد كدة ننزل عليهم باللبن و مكعب المرقة.
بعد ما المكرونة تشرب من اللبن ننزل بالكريمة و قلب و نغرف بقى و ننزل برشة بقدونس و رشة جبنة رومى و استمتع بطعم عاااالمى، سريعة و سهلة و فى حلة واحدة و طعمها رهيب، جربوها و قولوا لنا رأيكم 😍😍
