كيكة الشوكولاتة
اسمحولي اشاركم ميلاد غاليتي امل واللي عادة بجمع فيه المى باعتبار تاريخ ميلادهم متقارب ولاشاركم سعادتي بانجاز الحلويات بما فيها الكيكة ❤️ ربنا يبارك باولادكم ويطعم كل مشتهي الذرية الصالحة ❤️
كيكة الشوكولاتة :
جميع المكونات بحرارة الغرفة
بنخفق ٣ حبات بيض حجم صغير حتى يفتح لونهم بنضيف عليهم كوب سكر بالتدريج وكوب زيت نباتي ع شكل خيط ومعلقة صغيرة فانيلا
بننخل المكونات الجافة (ثلاث مرات)
- كوبين طحين
- ٥ معالق كبيرة كاكاو
- معلقة كبيرة باكينغ باودر
- معلقة صغيرة باكينغ صودا
- رشة ملح
انا وزعتهم ع ٣ صواني ولانو بدي ارتفاع اعلى خبزت كيك فانيلا جاهز فكانت الكيكة طبقة فانيلا طبقة شوكولاتة.
يفضل تشغلوا بتزيين الكيكة وهي باردة شربت كل طبقة بمعلقتين حليب وخفقت كريمة (نباتية) باردة وحشيتها بالفواكة وغلفتها بنفس الكريمة
الكيك بوبس او الكيك بوبس ايس كريم
نفس الفكرة بس الشكل مختلف كلاهما الحشوة تاعتهم عبارة عن كيك بنفتتوا (انا بستخدم العجانة مضرب الـ k) وبضيف عليهم كريمة مخفوقة (الكمية بتختلف حسب كمية الكيك) المهم يصير معنا الخليط عجينة متماسكة
بالكيك بوبس بنكورهم لكرات متساوية وبندخلهم الفريزر قبل لنغطسهم بالشوكولاتة ونحطهم ع ورق زبدة وندخلهم الثلاجة يتماسكو
بالكيك بوبس ايس كريم بنحتاج قوالب الايس كريم السيلكون بنحط اول طبقة شوكولاتة (وبنقلب القالب لتطلع كل الشوكولاتة الزايدة وبندخلها الفويزر تجمد) ثم حشوة الكيك بعدها بنحط العود الخشبي ثم طبقة شوكولاتة وبنتركها تتماسك بالثلاجة.
