كوسه . بطاطس . فلفل رومي . او بصل حسب الرغبه
اول شي اغسليهم و بعده احفريهم و ارجعي اغسليهم و اتركيه على جنب
و نحتاج كم حبه فلفل حار
مقادير الحشوى : 📝
- كاسه رز مغسل و منقوع مصري او بسمتي
- ربع كيلو لحم
- ملح
- ملعقه كبيره ممسوحه صلصة الطماطم بهار ( كمون مطحون. بهار كاري . كزبره ناشف . فلفل اسود )
- حبه بصل صغير مقطع ناعم
- حبه طماطم صغير مقطع ناعم
- كزبره اخضر مقطع ناعم حسب الرغبه
- شبت مقطع ناعم حسب الرغبه
- نعناع مجفف
- نصف ملعقه كبيره دبس الرمان
الصوص :
حبتين طماطم صغير معصور . و ملعقة صلصه . و مكعب ماجي . و فصين ثوم مهروس . و ملعقه دبس الرمان حسب الرغبه ( دبس الرمان في حال تبغي المحشي على حامض يسير تضيفي و ممكن تستغنى عنو ) فنجان قهوة زيت الزيتون او نباتي
اول شي ذوبي الماجي في مويه المغلي و بعده حطي الصلصه و طماطم . و ثوم و دبس الرمان و زيت الزيتون و اخلطيهم مزبوط
و ممكن تسوي صوص على شكل ثاني
تحمري في الزيت شويه بصل حتى يشقر و ضيفي ثوم وقلبي و ضيفي الطماطم و صلصه وقلبيهم و ضيفي الماجي و دبس الرمان و قلبيهم حتى يتسبك و ضيفي عليه شوية مويه و يكون صوص الثاني جاهز
طريقة التحضير
اول شي احشي الخضار و رصيهم في الصينيه و معاهم فلفل الحار ( صينيه كبير ) و بعده اسكبي فوقه الصوص و اسكبي تقريباً 3 كسات مويه دافئ و غطي عليه بالورق الالمنيوم و ادخلي في الفرن مسخن و النار من تحت مسبقاً وخلي يستوي تقريباً يأخذ من ساعه الى ساعه و نصف
بعده ساعه شيلي منو ورق القصدير و اغرزي بالسكين و تتأكدي انو نضج او تخلي زياده و بعد ما تفتحي القصدير و تخلي كمان حوالي 10 دقايق عشان يحمر شويه و يكون جاهز
ملاحظة : وقت تسوي دايماً خلي عندك فلفل رومي او اي خضار زياده عشان لو زاد الحشوى يسير تحفري على السريع و تحشي
بالعافيه عليكم ❤
