هذي اللي سويتها امس بحلقة سفرتنا مع التشوكليت موس كيك .. احنا بموسم الشتا .. واستغلوا وجودها بكثرة 🍓👌
لمشاهدة وصفة التشوكليت موس كيك .. نزلت يوتيوب والرابط في البايو بحسابي 👌
مافي شك انها افضل واحسن مليون مرة من الصلصات الجاهزة
هذا غير انها #لذيذة_لذاذة_اللذوذين_كلهم😋👌
لكل نص كيلو او اكثر شوي .. نغسله ونقطعه صغير او كبير كيفكم .. نضيفله كوب سكر بدون تحريك .. على نار متوسطه وليس عالية
حوالي 7 الى عشر دقايق .. بعدين نضيف عصير ليمونه .. ونهرس الفراوله بالسماكه اللي تحبونها
بهالمرحله ممكن اضافة نقطه وحده فقطططط ملون طعام احمر لتعزيز اللون … انا ما اضفت لان الفراوله كان لونها حلو ماشالله
اذا عاجبكم قوامها فبالتالي الوصفه خلصت .. بس اذا حابينها اثقل شوي (بحسب انت حق شنو بتستخدمونها) … فبامكانكم اضافه نشا مذوب بماء بارد ونحركها شوي وبس وكل ماخليناها عالنار الهادية مدة اطول تصير اثقل بس انتبهو تحترق 🔥
تعبئ بأوعية زجاجية وبعد ماتبرد تماما نغطيها
تقعد بمرطبانات محكمة الاغلاق شهور بالثلاجه عااادي بشرط مايلمسها الهوا وبنفس الوقت لاتدخلون فيها ملعقه فيها لعاب 🙈 انا اغطي فتحه المرطبان بنايلون بعدين اسكر الغطا .. وبالعافية 😊👌
