《خبز الفوكاشيا الايطالي》
مع اني منزلها قبل ونزلتها ستوري بس في ناس تطلب انزلها وان شالله ما اكون قصرت 🌹
◾المقادير بالاكواب القياسية:
- ٣ كوب طحين
- كوب ونص ماء دافيء
- ملعقه كبيرة خميرة
- ملعقه صغيرة ملح
- ملعقه صغيرة سكر
- ربع كوب زيت زيتون
- اجبان وطماطم واعشاب عطرية للتغطية
طريقة التحضير
🔸️الماء نضيف عليه السكر والخميرة ونتركها تفور خمس دقايق ونخليه على جنب
🔸️نخلط باليد الطحين والملح والزيت جيدا باليد ونفرك للحصول على قوام مخملي يشبه الغريبه
🔸️نشغل العجانه او باليد .. نضيف خليط النواشف على الماي المذوب فيه سكر وخميرة ونعجن لمدة لاتقل عن خمس دقايق وباليد تاخذ وقت اطول شوي
🚩 للعلم .. ينفع نضيف الخميرة والسكر عالطحين من البداية عادي
🔸️العجينه تلزق لكنها متماسكه .. اذا تعبتكم .. رشو عليها طحين يادوبك بمقدار ملعقه كبيرة كحد اقصى
🔸️يعني بس نرش عليها علشان نعرف نتحكم فيها ونطلعها من طبق العجن ونحطها بطبق مدهون زيت ونغطيها بنايلون ونحطها بمكان مظلم تختمر ساعه
🔸️نطلعها ونفردها باليد بالشكل اللي تحبونه ونحطها بصينية وباصبعنا ☝️ نسويلها غمازات 😊
🔸️ندهن الوجه بخليط ثوم وزيت زيتون ورشة ملح ونوزع الاعشاب العطرية مثل (اوريغانو زعتر ريحان روزماري .. اي شي)
🔸️ممكن اضافة جبن البارميزان والطماطم الكرزية والزيتون وكله حسب الرغبه
🔸️ندخلها فرن محمي مسبقا .. اذا كان في مروحه نشغلها ونشعل الفرن فوق وتحت لمدة ثلث ساعه حرارة ١٩٠ درجه
🔸️واذا مافي مروحه .. نشغل بس تحت وبالاخر نشعل فوق نحمرها وبالعافية 😊👌
#٢٠١٨_كلحه
هل الفيديو لا يعمل؟ إضغط هنا
