أحدث الوصفاتالحلويات

《تارت شوكولاته بحشوة الغاناش》

43165692 176728989896281 5342371020002664372 n

《تارت شوكولاته بحشوة الغاناش》
.
الوصفه جدا سهله وكالعادة ادور لكم على وصفات بحيث انتوا تبتكرو اكثر بالاضافات وتحطون بصمتكم فيها بالشكل اللي يناسب ذوقكم اكثر .. تستحق التجربة #لذيذة_لذاذة_اللذوذين_كلهم😋👌
.
◾المقادير للقاعدة:
.
🔸️ثلاث ارباع كوب طحين
🔸️ربع كوب كاكاو بودرة
🔸️٢ م.ك سكر بودرة
🔸️رشة ملح
🔸️٦ ملاعق زبدة مثلجه يعني يعادل ثلاث ارباع الاصبع يعني خمس وسبعين جرام
🔸️٤ ملاعق كبيرة ماء مثلج باارد
.
◾مقادير الغاناش:
.
🔸️٣٠٠ جرام قطع شوكولاته انا خلطت الدارك مع شوكولاته بالحليب
🔸️كوب كريمه سائلة
🔸️١ م.ك عسل
🔸️١ م.ص فانيلا سائل
🔸️١ م.ص بودرة نسكافه
.
◾الطريقه:
.
🔹️بمحضرة الطعام نحط كل المكونات ماعدا الماء .. نشغلها وننزل الماء ونخليها دقيقه لمن تختلط المكونات
.
🔹️نطلع العجينه ونقلبها عالخفيف ونلفها بنايلون وندخلها الثلاجه ربع ساعه ترتاح وتتماسك
.
🔹️نطلعها ونفردها ونحطها بقالب التارت ونضبط الحواف
.
🔹️نحط ورقه قصدير وبداخلها حبوب بقوليات نستخدمها ك ثقل علشان لاتنتفخ العجينه بالفرن .. طبعا ممكن استخدام حبوب البورسلان المخصصه بدال البقوليات
.
🔹️تدخل فرن ١٨٠ درجه محمي مسبقا ثلث ساعه تقريبا .. نطلعها ونشيل القصدير والحبوب ونرجعها الفرن ونشعل من فوق ثلاث دقايق فقط علشان الوجه ينشف شوي
.
🔹️نصب الغاناش وندخلها الثلاجه عالاقل اربع ساعات تجمد .. نطلعها ونزينها بالفواكه او الكريمه وكله عالذوق
.
◾طريقة الغاناش:
.
🔹️بطبق عميق يتحمل الميكروويف نحط الشوكولاته والكريمه وندخلهم الميكروويف ونشغله دقيقتين فقطططط لكن بشرطططط انتبهوا
.
🔹️كل ١٥ ثانية نفتح الباب نطلع الطبق نعطيه تحريكه ونرجعه ونكمل خمستعش ثانية اخرى وهكذا لما نكمل دقيقتين
.
🔹️ممكن اضافه العسل والنسكافه والفانيلا حسب الرغبه ونطحنهم يدويا للحصول على مزيج ناااعم وبسسس .. وبالعافية 😊👌🏻
.
.

 

Mohamed Alkalha محمد الكلحه

TV chef 📺 محمد الكلحه . Pharmacist 💊 hiding in a chef's jacket 👨🏻‍🍳 . Self taught 🇯🇴 🇰🇼 .
زر الذهاب إلى الأعلى