《الشكلمة – حلو جوز الهند》
وصفه كلاسيكية وسهله و #لذيذة_لذاذة_اللذوذين_كلهم😋👌
جربوها بهالطريقه ما راح تندمون
المقادير
- ٤ بياض بيض
- رشة ملح
- ١ كوب سكر
- ٢ونص كوب جوز هند
- ١ م.ص فانيلا سائل
- كرز مجفف للزينه
#شكلمه_كلحه #حلويات_كلحه
طريقة التحضير
🔹️على مغطس ماء ساااخن (بس بدون مايكون تحتها نار شغاله) يعني نغلي الماي ونطفي النار ونشتغل
🔹️المهم .. نحط البياض بطبق بعدين نحطه فوق البخار ونبدا نخفق ترررررررررر بسرعه يدوي او مكينه ينفع
🔹️بس يبدأ يتحول ابيض .. نضيف السكر واحنا نخفق تررررررر لما يخلص السكر نخفق شوي زيادة
🔹️نرفعه عن البخار ونضيف الفانيليا وجوز الهند وبالملعقه نخلط مجرد خلط للتجانس جق جق جق
🔹️نحطه بكيس والقمع فتحه مدورة عادية .. ونصب الخليط بنفس طريقة الفيديو
🔹️نزين بالكرز اختياري طبعا
🔹️ندخلها الفرن على حرارة ١٦٠-١٧٠ فقطططط من تحت والصينية بالوسط مو تحت
🔹️يقعد يمكن ربع ساعه وممكن توصل لخمس وعشرين دقيقه حسب قوة الفرن
🔹️يعني لما نشوف حواف القاعدة اشقرت
🔹️نخفف النار تحت عالاااااخر ونشعل من فوق ونخليها لما تشقر ونطلعها تبرد عالااااااااخر بعدين نشيلها من الصينية وبالعافية 😊👌🏻
⚠️ ملاحظات مهمه:
🚩البياض نحطه بطبق يكون بارد لانحط البياض ويكون الطبق فوق البخار .. لان اذا حطينا البياض بالطبق واهو فوق البخار بكون الطبق ساخن ونخاف ينطبخ البياض
🚩اللي ماعنده قمع مو لازم يستخدم كيس بدون قمع او ممكن بالملعقه يحط الخليط
🚩الافضل يكون في ورق زبدة او سيليكون بالصينية
🚩لما نشعل من فوق لاتنطرون لما تشقر عالاخر .. بس شي بسيط عقب اطفئوا الفرن نهائيا وخلو الصينية بالفرن نص ساعه .. الحرارة الموجودة بتوحد لكم اللون 👌🏻
#٢٠١٨_كلحه
