《أم علي الكلحاوية بالفستق》
.
ام علي طبق مشهور .. على بساطته لكنه رائع ولذيذ .. وكل ماكان تقليدي يكون احسن لكن الاضافة اللي سويتها اعطت طعم خياال و #لذيذة_لذاذة_اللذوذين_كلهم😋👌
.
#حلويات_كلحه #أم_علي_كلحه
.
◾الطريقة والمقادير:
.
🔸️احتاج كرواسان سادة .. استخدمت ست حبات .. كان ناشف شويى.. قديم يعني .. فتحتها ودهنتها من الداخل صلصة الفستق من كوت اند فل .. قوامها كريمي وطعمها حقيقي
.
@coatandfill
.
متوفرة بسلطان وكارفور ولولو هايبر ومعظم الجمعيات .. طبيعية وبدون الوان صناعية والسكر فيها جدااااا معقول
.
الفستق: ٢.٧٥٠ فلس
.
🔸️قصصت ✂️ الكرواسان قطع كبيرة ورصيتهم بطبق البايركس
.
🔸️اضفت مكسرات (فستق مجروش ولوز شرايح) وجوز هند و زبيب او كشمش فوق الكرواسان
.
🔸️سخنت لتر حليب عالنار .. تسخين فقطططط بدون غليان .. رفعته عن النار
.
🔸️حطيت بطبق كوب سكر وبيضة وحده .. خفقتهم جق جق جق واضفت عليهم نص كمية الحليب الساخن وحركتهم جق جق جق
.
بالنسبه للسكر اذا استغنينا عن صلصة الفستق حطو كوب واذا كانت الصلصه حلوة خففو السكر للنص بس الصلصة اللي استخدمتها سمرها حيل خفيف
.
🔸️بعدين صبيتهم على باقي الحليب وخلطتهم وصبيتهم فوق الكرواسان بالبايركس
.
🔸️الحين .. حطيت كوب كريمة سائلة ونص كوب قيمر .. خفقتهم بالمكينه تررررررررر وصارت جاهزة
.
🔸️دهنت طبق ام علي بالكريمه (استخدمت القمع بس مو لازم) ورشيت عالوجه فستق وسكر بودرة علشان بس يحترق السكر يعطي لون حلو
.
🔸️ودخلته الفرن بالوسط .. نشعل فوق وتحت على حرارة 170 (او) لغاية ما يشقر الوجه حوالي عشر دقايق
.
🔸️تاكلونه بألف عافية والطعم تحددددددي 😊💪
.
.
#رمضان_كلحه_٢٠١٨
#٢٠١٨_كلحه
