أحدث الوصفاتالمقبلات

يالنجي

24838850 905341989629380 7909474505158819840 n
يالنجي

كاستين رز مصري مغسول ومنقوع ربع ساعة
بفرم بصلتين كبار فرم ناعم وبدبلهن بنص كاسة زيت زيتون وبس تدبل وتصير شفافة بحط الرز المغسول
و بحط الملح ملعقة صغيرة لكل كاسة رز وبقلب الرز مع البصل والزيت عنار هادية شي 3 دقايق وبطفي النار
بس يبرد الرز بحط الخضار فوقه
بحط بندورة مفرومة وبقدونس مفروم وملعقة كبيرة ثوم مفروم
وبحط البهارات
نص ملعقة صغيرة قهوة مطحونة ..ملعقتين صغار سماق مطحون..ملعقتين كبار دبس رمان ….عصير ليمونة كبيرة..ملعقة كبيرة نعنع يابس ..رشة صغيرة قرفة ..رشة صغيرة فليفلة حدة
وبقلب هالمكونات مع بعض وبظبط الملح ان نقص
بصف بطاطا وجزر باسفل الطنجرة
بلف الورق بشكل عريض يعني بكتر حشوة وبخليها تاخد عرض اكتر من طول
بحطهم عالنار مع مي غمرتهن تقريبا وملح و زيت زيتون وعصير ليمون وبحط تتقيلة فوقهن بخليهن يغلو وبس تغلي بهدي النار عالااااخر ليستوي الورق وما بتركه يستوي عالاخر لان رح اطفي النار واتركه يبرد بالمرق ع راحته وبحط الطنجرة بالبراد لتاني نهار
تاني نهار بصفي اللي بقي من المرقة وبقلب الطنجرة وعالتقديم .

مـــطبخ دلال الدايــــل

مطبخ دلال الدايل 🍒الطـــبخ بطرق سهله ومبتكره 🍒 🍒اسـتودعت الله نفسي ومااملك🍒 🍒للاعـــلان والرعايه0503200844 🍒لنا حق التمنّي ۈلِلہ سر الإجاابہ🍒
زر الذهاب إلى الأعلى