هريسة نادية
وأحلى هريسة هريستي اللذيذة
هريسة نادية♥️
حطيت لحم غنم عربي ولحم عجل/
اربع كيلوات / مع ٨ چيبات هريس.
من الحين اقول للي يقول كميات هذا للتوزيع.
اول سلقه فقط.
الهريس مغسول منقوع من الليل.
طبعا ضفت نصف من حب الهريس واللحم بجدر سويت جدرين.
ضفت الماي.
وعالجوها ربع نص ساعه وبعدها بالفرن بس تحت.
درجة الحرارة ٢٠٠ / بعد اربع ساعات طلعتها شيلت اللحم فچچته
ورجعته ورجعت الجدر بالفرن ساعه ورجعت طلعت الجدر وضربناها
الهريس الصح لازم تنضرب مو بالمكينة.
بعد ما ضربناها حطيت الملح.
وخليتها بالفرن على نار هاديه ل وقت الفطور.
طبعا اجمل لقطة وشوفوها شلون متماسكة .
طبقوها وبالعافيه .
احنا الكويتيين نحط دارسين وسكر بودر
وفيه ناس ما يحطون
وفيه بس دارسين
اما عني انا احب اكلها مع المعبوج الاخضر .
شي لذيذ ما ينشبع منه.
