أحدث الوصفاتالحلويات

ميني كيكة التمر مع الكاراميل

22429764 482034995516654 1280446423724195840 n

| ميني كيكة التمر مع الكاراميل |

1- في صحن عميق نحط فيه كوب تمر بدون نوى وبعدين نضيف عليه م ص قرفه مطحونه + ثلاث أرباع كوب ماء ساخن ونغطيه شوي لين يلين التمر بعدين نهرس التمر مع مويته .

2- نخفق 75 جرام زبدة بحرارة المطبخ مع ثلثين كوب سكر أبيض لين يمتزجون مع بعض وبعدين نضيف بيضتين حبه وننتظرها تختفي و بعدين الحبه الثانيه + م ص فانيلا سائلة وبعدين نضيف مهروس التمر .

وآخر شيء نضيف المقادير الجافه عباره عن :
كوب ونص طحين أبيض + نص م ص بيكربونات الصوديوم + نص م ص ملح ونقلبهم مع بعض بالملعقه وننتبه مانكثر خلط ..
وبعدين نوزع الخليط في القوالب وندخلهم فرن مسبق التسخين مشغل من تحت على درجة
180 درجة مئوية تاخذ لها وقت من ربع ساعه
إلى 25 دقيقه .

3- الكاراميل: بقدر ع النار نضيف اصبع كامل
زبدة 100 جرام + كوب وربع سكر بني + ربع كوب سكر أبيض + ثلاث أرباع كوب كريمة خفق + نص م ص ملح + ربع كوب جوز البيكان مكسر كسر صغيره ونخلطهم لين يتجانسون ويثقل القوام شوي وخلاص خلوه على جمب لين يبرد على راحته ويصير أطلق كاراميل وإذا تحبون تضيفون منكهات لذيذه مثل : قرفه أو هيل

بعض النصائح عشان تضبط معكم الكيكة 👌🏻

1- ضروري يكون البيض والزبدة بدرجة حرارة المطبخ .
2- تضيفون البيض حبه وتنتظرونها تنخفق
وبعدين تضيفون الثانيه .
3- إذا بتحطون التمر على الخليط تنتبهون يكون دافي مو ساخن تضيفونه .
4- الفرن يكون الشبك في النص ودرجة حرارته متوسطه مو حار بقوه ولا بارد ولا ينفتح الفرن إلا بعد ١٥ دقيقه .
5- أول ماتطلعينها وتختبرين نضجها وتأكدتي إنها مضبوطه تقلبينها على شبك مرتفع عن السطح عشان تبرد على راحتها بدون ما تنضغط . هذي تقريباً أهم النصائح اللي في بالي 🙊
#كيكة_تمر_عبير_العميره

عبير العميرة

طبخآتي ماهي إلا نتاج حبّي لعآئلتي💛 و كل أملي أن تصل لذآئقتكم الرفيعَه .' Snap👻: abeer_alamerah للإعلانات: مشرفة الحساب واتس فقط : 0556068212 📍الرياض
زر الذهاب إلى الأعلى