كيكة جوز الهند الباردة 🥥
اللي من عشّاق جوز الهند ضروري تجربون الوصفه بتعجبكم👌🏻
حبّيتها مررره ناسبت ذوقي .. وبأرجع أسويها مره ثانيه 😍
المكونات والمقادير
- ثلاث بيضات
- ١ م ص فانيلا
- ثلاث أرباع كوب > سكر
- ١٠٠ جرام > زبده
- ١ كوب > حليب سائل
- ١ كوب > جوز هند ( جاف أو رطب )
- ملعقتين صغيره بيكنج بودر
- كوبين > طحين أبيض
- رشة ملح
طريقة التحضير
نخفق البيض والفانيلا مع السكر لين يصير كريمي ناعم …” ثم نضيف عليه الزبده والحليب نكون مسخنينهم على النار بس بدون غليان ”
ثم نضيف المكونات الجافه الباقيه ونقلّبهم مع الخليط .
ندخلهم فرن على درجة حراره 180 ْ ومانفتح الفرن قبل نص ساعه من ضروريات نجاح الكيك .
ثم إذا بردت الكيكه نقطعها مربعات ونغمّسها بخليط : حليب مكثّف محلّى علبه كبيره خلطت معه ” حليب جوز الهند ويمديكم حليب عادي ”
يعني بنفس علبة الحليب المكثف الكبيره نفرغها كامل بالصحن ثم نعبيها حليب جوز الهند يصير النوعين بنفس المقدار .. ونخلطهم سوااا ..
ثم بعد التغميس نقلّبها بمبشور جوز الهند الناعم من كل الجهات ونغلفها زين بالقصدير .
تبرد أقل شيء ٤ ساعات بالثلاجه .
” حجم الصينيه : 8 انش
المصدر: @abeeralamerah
