| ميني قرص عقيلي |
أول شيء نخفق ٤ بيضات مع ثلاث أرباع كوب سكر و م ص فانيلا نخفقهم لين ينتفش الخليط يصير قوامه أبيض كريمي ..
بعدين نضيف م ص هيل مطحون + نص كوب زيت + م ص زعفران مذوّبه بنص كوب ماء حار + نص كوب حليب طويل الأجل .
وآخر شيء نضيف كوبين وربع طحين أبيض
+ م ك بيكنج بودر ..
خلصنا من الخليط .. الحين نجيب أي صينيه نبي نحط فيها أو قوالب سيلكون نرش عليها شوي زيت وننثر حبات سمسم أبيض أو بدل الزيت اسبراي الزعفران زي مااستخدمت ، بعدين نعبي القوالب من الخليط ثلاث ارباع القالب لأن راح يتضاعف حجمها بالفرن ..
وندخلهم فرن مسبق التسخين مشغل من تحت على درجة ١٨٠ بالرف الوسط إذا القوالب صغيره مره ما راح تطول عن ١٠ دقايق .
** إضافة لذيذه : حطيت قطعة توفي بنص الخليط بالقوالب قبل ماأخبزهم طلع الطعم يمي والتوفي ذايب جوا الكيك ..
و عليكم بألف عافيه ♥️
