| ميني تآرت تشيز جوز البيكان 🤤 |
** أول شيء نصلح العجينة :
كل المقادير نخلطهم مع بعض بمحضرة الطعام
أو بالعجانه بمضرب الـ k أو إذا ماعندك لا هذا
ولا هذا بيدّك بس الأجهزة أسرع 👌🏻
كوب وربع طحين أبيض متعدد الاستعمالات + نص م ص ملح + م ك سكر + ربع كوب ماء بارد + م ص فانيلا سائلة + اصبع زبدة باردة من الثلاجة مقطعه مكعبات صغيره ..
ونضربهم بالخلاط على أسرع شيء لين تتشكّل العجينه بعدين نحطها بكيس أو نغلفها بنايلون وندخلها الثلاجة تتماسك
** الحين نجهّز حشوة التشيز :
جبنة فلاديفيا 200 جرام + م ص فانيلا سائلة + نصف علبة حليب مكثّف محلى الحجم الكبير + م ك طحين أبيض
نخلطهم بالسلك اليدوي ونعبّي الكيس عشان يسهل علينا التوزيع .. بصينية ميني كب كيك نقسم الخليط لكور متساويه بعدين نضغطهم بأداة التآرت وإذا ماعندكم عادي ينفع ( بالهآون ) أو بقاعدة فنجان صغير أو بالملعقه عادي أهم شيء تسوون حفره بالوسط 😁
وبعدين نضيف شوي من التشيز جوا الحفره وندخلهم الفرن على درجة 180ْ مشغل من تحت بالرف الوسط شويات بس 5 دقايق أو أقل يتماسك بعدين أضيف على كل حبه شوي من خلطة الجوز عباره عن : بيضتين + م ص فانيلا + م ص قرفه مطحونه + ثلاث أرباع كوب سكر بني + اصبع زبدة نذوبها بقدر ع النار لين تتحمّص وتاخذ لون مو شرط هالحركه بس تعطي نكهه لذيذه + كوب جوز مفروم + ربع م ص ملح + ربع كوب سيروب أو عسل .. نخفقهم بسلك يدوي لين تتجانس المكونات بعدين نرجعهم الفرن يكملون استواء ..
وآخر شيء التجميل خطوط من الكاراميل
مع رشّة جوز هند محمّص .. و بألف عافيه على قلوبكم ♥️
. * اقترآح :
ممكن قبل طبقة التشيز نضيف قطعه تمره مهروسه مع منكّهات زي هيل أو قرفه ، أو تفآح ،
أو توت .. الخ
