مساكم الله بالخير اخواني المتابعين اليوم غدانا مندي تيس صغير في تنور الخبز المعروف بالكويت والعراق والسعوديه كل بيت في الخليج عنده منه وتاركينه محد يستعمله الفديو نزل يوتيوب على قناتي اما انا قلبته تنور للمند ي استفدت منه ونزلت فيه سله مالت المندي من السعوديه وجربته وطلع ممتاز شريت تيس وزنه ٦ كيلو ونص وقطعته واخذت نصه وبهرته بالكركم والملح والزيت وغسلت ٨ كاسات ارز مزه بدون نقع وسويت حمسه للرز مكونه من القرفه والمسمار والهيل والفلفل الأسود والكزبر العدل واللومي لسحاري والثوم العدل وقرون الفلفل وثم نزلت عليهم ماء بارد ونزلت الرز ورشيته بالملح وحركته وركبته بالسله وفوقه اللحم ونزلت السله في تنور الخبز وسكرته وخليته لمدة ساعتين نار خفيفه وطلع ممتاز والرز ممتاز انصحكم بالتجربه اذا عجبكم المقطع لاتنسوني باللايكات والكومنتات
