مساكم الله بالخير وتقبل الله طاعتكم اليوم رحت لولو هايبر ماركت وشريت هامور طري وقطعته ثلاث قطع وحشيته وخيطته وسويتله حمسه خنينه ونزلت الهامور بالجدر وفوقه العيش المغسول والمنقوع وساقيته بالماي الحار وخليته يترسه على راحته ٤٠ دقيقه وبعدين قلبته لفطورنا اليوم ولما شميت الريحه الصراحه خنيييييينه ريحت الخضره والبصل ولبهارات امتزجت وعطتني ريحه جميله وهذي اهي طريقه طبخ مكسر الهامور القديمه ينزلون الهامور بالجدر ويكتون عليه العيش ويخلونه يستوي ابطن العيش واسم مكسر الهامور اسم كويتي بحت اهو نفسه مطبق الهامور بس ابطن العيش ويبيله فن شوي وعساكم من عواده
