| مكرونة الأصداف بصوص الفلفل الأحمر 🌶| .
** أول شيء راح نصلح الحشوة :
نفرم البصله فرم ناعم نستخدم البصل الأبيض أو الأصفر بعدين نقطع الخضروات مكعبات اكس سمول اللي هي : البطاطس / الجزر / الفلفل الرومي الملون .. وبرضو يكون عندنا صحن صدور دجاج نقطعه مكعبات صغيره مره
نحمس البصل مع كمية من الزيت لين يذبل بعدين نضيف عليه كل الخضروات ونحرّك باستمرار لين تبدأ تذبل الخضروات بعدين نضيف عليها البهارات اللي نحبّها أضفت : كركم ، فلفل أحمر مطحون ، بهارات دجاج ، ثوم بودرة ، بهار عثماني .. و لمن قربت تستوي أضفت الدجاج .. وآخر شيء لمن يستوي الدجاج نضيف م ك جبن سائل .
خلصنا من الحشوة نخليها على جنب . .
. ** نجي للصوص :
حبتين فلفل رومي أحمر مع حبتين فلفل أحمر على حسب الرغبة أحمسهم بشوي زيت وبصل أبيض حبه صغيره مقطعه مكعبات كبيره وبعدين إذا ذبلو مع الحمس أضيف بهارات ايطاليه ورشة فلفل أسود وملح وبودرة ثوم و م ك بابريكا .. وأحرّكهم مع بعض بعدين أضيف ملعقتين كبيرة جبن سائل + كوب كريمة طبخ + نص كوب حليب طازج وأخليهم ع النار لين يسخن الخليط ويبدأ يطلع منه فقاعات ثمن أطفّيه وأخليه يبرد شوي وأخلطه بالخلاط وأرجعه للقدر يثقل قوامه شوي وخلاص يصير جاهز 👌🏻.
** المكرونه أضيف عليها ماء مغلي بحيث تتغطّى بالكامل وأضيف عليها ملح فقط بدون زيت .. الحين أجيب صينية فرن وأبدأ أضيف الصوص كطبقة أولى وأنصحكم تكثرون أحلى وأطعم بعدين تحشون الأصداف وترتبونها بالصينيه وآخر شيء ترشّون ع الوجه أنواع من الأجبان مثل :
موزريلا / قشقوان / تشيدر / بارميزان .. .
وبعدين نقصدر الصينية مضبوط وندخلها الفرن يكون ساخن من تحت لين تتسبك تقريباً نص ساعه وبعدين نشيل القصدير ونرش ع الوجه بهارات ايطاليه مخلوط معها شوي بابريكا حاره وشوي من بهارات البطاطس وندخلها تتحمر من فوق شوي وتتقدّم على طول من الفرن للمائدة .. و بألف عافيه على قلوبكم يارب 💕
. ** البهارات اللي استخدمتها من شركة صرّة **
