معمول عبورآ خطير هش وطعمه لذيييذ 😋👌🏻
و يسمّى ( كحك أو كعك العيد ) ،
طبعاً الوصفآت كثيره بس أنا أحب أرتّبها بالتفصيل وبالخطوآت عشان اللي يمشي عليها بإذن الله تنجح معه 😍👍🏻
– المقآدير :- أول شيء /
ملعقة كبيره من بهارات المعمول مطحونه وهي عباره عن مقدار متساوي من : ( يانسون ، شمر ، حبة سوداء ، محلب ، خميرة البيره ويسمونها خميرة حج ) تطحنينها بالطاحونه وتستخدمين منها ملعقه كبيره من العجينه .
طبعاً البهارات ممكن تنقصين منها مايضر وممكن تحذفينها على راحتك بس الأفضل تستخدمين لو ملعقه صغيره طعامة المعمول وريحته فضيعه بالبهارات 👌🏻👍🏻
وفيه بنات يسألون كيف طحنتي خميرة الحج عادي كسرّيها ( باستخدام الهاون ) وبعدين حطيها بالطاحونه مع باقي البهارات . .
ثاني شيء نكمل باقي المقادير /
٣ أكواب طحين أبيض متعدد الاستعمالات استخدمت ( كويتي )
+ نصف كوب أسمر متعدد الاستعمالات استخدمت ( فوم )
+ ملعقتين كبيره حليب بودرة ( نيدو )
+ م ص ملح + م ك سكر + م ص خميرة فورية + نصف كوب ماء دافي
+ نصف كوب زيت + كوب زبدة يعني : ٢٠٠ جرام يعني : اصبعين زبده + تمر عجوه أو منزوع النّوى
الطريقة :-
١- نجيب صحن عميق ويكون استيل أو قزاز ماينفع بلاستيك لأني بضيف الزبده وهي ساخنه مرّه .
٢- قبل مانبدأ بالعجينه نحط الخميره والسكر مع نصف كوب ماء دافي ونغطّيه ونخليه على جنب لين تتضاعف الخميرة .
٢- نبدأ نحط الطحين الأبيض والأسمر ونحط فوقه الحليب البودره والملح وبهارات المعمول وبعدين نضيف الزيت .
٣- نحمّي الزبدة لين توصل لدرجة الغليان ونضيفها مباشره ع الطحين ونجلس نقلّب بملعقه خشبيه كبيره وبعدين نعجن باليد ونحاول نفرك الطحين كويس عشان تتغلّف حبات الطحين بالزيت والزبده .
٤- بعد ماتدفى العجينه نضيف الخميره ونعجن مضبوط ونخليها ترتاح لمدة نصف ساعه .
٥- نجهز التمر استخدمت ( خلاص نوعيه ممتازه ) طري وطعمه لذيذ وخلطت معه شوي زبده ذايبه وشوي قرفه مطحونه ، واللي يحب يضيف مع التمر سمسم محمّص على حسب الرغبه .
٦- نبدأ نكور التمر في صحن عشان يسهل علينا وقت التشكيل .
٧- نجيب القالب وانا استخدمت قالب بلاستيك أحط فوقه نايلون بحيث يسهل علي أطلّع من القالب بكل سهوله .
٨- نبدأ نصف المعمول بصينيه والأفضل تكون قصيرة الحافه وندخله الفرن على درجة حراره٣٥٠ فهرنهايت بالرف الوسط يجلس حوالي ١٥ دقيقه وبعدين نطفّي اللي تحت ونشغّل من فوق يتحمّر خفيف .
٩- بعدين نحطه على شبك التبريد إذا برد تماما ًنضيف عليه سكر بودرة .
واستمتعو باللذآذه 😋 من جد لايقآوم 😢💔معمول_عبير_العميره
