| معمول العيد والطريقة مقتبسة من الشيف باش @bashchef |
لذيذ جداً ويذوب ذوبآن بالفم ويفوووز بألذ طريقة صلحتها 😍👌🏻👏🏻
1- على النار بالقدر نذوب 500 جرام زبدة على نار هادئه بدون ماتغلي الزبده وبعدين إذا ذابت نضيف ملعقتين كبيره من بهار المعمول .
2- بهار المعمول عباره عن مقادير متساويه من 🙁 يانسون ، شمر ، محلب ، حبة سوداء ، لسان البحر ، خميرة البيره ويسمونها خميرة الحج ) نشتريهم من عطاره ثقه وننظفهم وبعدين نطحنهم طحن ناعم جداً .
3- نضيف الزبده في صحن عميق ونخفقه بالخفاقه لين يبرد شوي وبعدين نضيف ملعقتين كبار سكر بودره .
4- وبعدين نضيف بيضه حبه وحده واللي تتحسس
منها تحذفها ونستمر بالخفق 5 دقايق تقريباً لين ينتفش الخليط شوي .
5- نبدأ ننزل المقادير الجافه على دفعات طبعاً نغير القطعة من الخفاقه إلى العجانة اللي على شكل حرف الـ k والمقادير الجافة عباره عن ( 6 أكواب دقيق أبيض نخلط بين نوعين دقيق أنا خلطت 4 أكواب دقيق أبيض فوم مع كوبين دقيق عضوي + ربع م ص ملح + ملعقتين كبيرة حليب بودرة )ونبدأ بالتدريج نضيف الطحين وآخر دفعه نخلط معها ملعقة صغيره بيكنج بودر وبعدين نضيفه حطيت البيكنج بودر بالأخير عشان مايتفاعل مع أي عنصر من المقادير .
6- الخليط راح يكون ناعم ومتفتت واذا جمعتي كوره بيدك تصير ملمومه وناعمه مره ، فإذا لاحظتي إنه مره متفتت أضيفي زيادة زبده ذايبه وشوي ماء .. بس انتبهو لاتكثرون ماء لأن الماء يقسّي العجينه .
7- نجهز التمر كل وحده وذوقها بالتمر أنا أحب تمر الخلاص اشيل النوى منه وبعدين احط معه شوي زبده وقرفه مطحونه وسمسم محمص .
8- نخلي عندنا ملعقة معياريه صغيره او غطاء صغير بحيث نقيس العجينه والتمر يطلعون بمقاس واحد وبعدين نضغط على العجينة براحة اليد ونحط التمره بالنص ونلم العجينه على التمر وتصير معنا كوره ناعمه وبعدين نشكّلها بالقوالب .
9- نصفّها في صينيه وندخلها لفرن مشغل من تحت على درجة 350 فهرنهايت راح ياخذ ربع ساعه تقريباً مايحتاج تحمير من فوق وأول ماتطلعينه راح تلاحظين فيه تشققات عادي خليه لين يبرد من نفسه وترجع تلتم على بعض وتختفي ✨
10- عند التقديم نرش عليه سكر بودرة الجاهز واستمتعو بألذ معمووووول 😋👌🏻😍👏🏻 #معمول_العيد
