| مشروب الكركم والزنجبيل مع الليمون |
له فوائد عجيبه بس قبل ماأكتب لكم الوصفه أحب أقولكم أي مشروب مثل كذا مطلوب الاعتدال فيه يعني كوبين باليوم يكفي + اللي يعانون من أمراض : ( قلب ، قولون ، ضغط ) أو ياخذون أي علاجات يجتنبونه أو يستشيرون الطبيب وبالنسبه للحامل تسأل دكتورتها هذا تنبيه بسيط قبل ماأكتب الوصفه . .
الكركم ينتمي لعائلة الزنجبيل فهو بمثابة الماده المنقّيه لجميع أعضاء الجسم .
أما بالنسبه للفوائد من هالمشروب /
1- يرفع المناعه ضد أمراض الشتاء .
2- يخفض الكولسترول الضار بالجسم ويحارب تصلب الشرايين .
3- يعتبر من محاربات الدهون وعنصر فعال للتحكم بالوزن .
4- يساعد في عملية الهضم ويحارب الطفيليات التي توجد في الأمعاء .
5- يساعد على تقليل الآلام المرتبطه بإلتهاب المفاصل والروماتيزوم .
المقادير
- كيلو زنجبيل طازج
- كيلو كركم طازج تحصلونه في : ( لولو هايبر ، السدحان ، التميمي ، الدانوب .. الخ )
- 10 حبات ليمون أصفر متوسطة الحجم .
طريقة التحضير
1- ننظف الزنجبيل والكركم مو شرط نقشره كله أهم شيء نشيل اللي لونه غامق ونغسله مضبوط .
2- نقطعه لشرائح صغيره وبعدين نحطه في محضرة الطعام ونفرم الزنجبيل وبعدين نفرم الكركم .
3- نخلطهم مع بعض .
4- في قوالب المخصصه للثلج أو أي قوالب عندكم نعبيهم من الزنجبيل والكركم .
5- آخر شيء نضيف شيء بسيط من عصير الليمون .
وبعدين ندخلهم الفريزر يجمدون .
6- بعد مايجمدون نجمعهم في علبه مع بعض .
7- القطعه اذا كبيره نحطها في ترمس حجمه 1لتر ونضيف عليها ماء مغلي ونتركها 10دقايق وبعدين نصبّه بالكوب والأفضل نخليه يبرد ثمن يُشرب .
وللكوب : قطعه صغيره ونضيف عليها ماء مغلي ونخليه لين يبرد ويُشرب .
والله يجعل فيه النفع والفائده يارب ❤
** ملاحظه مهمّه**
الأفضل عند استخدام الكركم لبس القفازات لأنه يصبغ في اليد . #مشروبات_عبورا
