محشي الخضار :
الحشوه راح اطبخها بس نص استواء و عشان تاخذ من طعم حمسه البصل و الثوم وربي تطلع الذ شي♥️👌🏻
-اول شي ننقع الرز المصري في المويه تقريبا نص ساعه “المقدار كاسه وحده ”
-في قدر ع النار نشوح راس بصل احمر مع الثوم بعدين نضيف اللحم المفروم و الزر المصري ..
-البهارات كمون و قرفه مطحونة ملح و فلفل اسود ..
-بعدين نضيف ملعقتين معجون طماطم🍅
-اخر شي نضيف كزبره مفرومه و نقلبهم و نرفعه من النار..
-نجي للخضار :
استخدمت بطاطس و فلفل رومي و طماطم و بصل .. -اخر شي صوص المحشي :
شوحت البصل مع الثوم الين يذبل بعدين اضفت ملعقتين معجون طماطم و صلصله طماطم مع مكعب مرقه الدجاج ونتركه ع النار الين يبدأ يغلي بعدين نصف الخضار الين يتغطى جزء منها مع أضافه شويه مويه و ملعقه صغيره من النعناع المجفف و دبس الرمان ..
-نترك المحاشي ع النار تقريبا من ٣٠-٤٥ دقيقه .. بالنسبه للبصل ؛ الصراحه ندمت اني حشيته بالطريقه ذي ماعرفت الطريقه الصحيحه الا بعد ماخلصت صار فيه طعم مراره أبدا ماحبيته لكن طعم البطاطس و الخضار الباقين بطططططلل👌🏻♥️♥️♥️
شي ثاني ، لاتعبو الخضار مرره بالحشوه لان الرز مع الطبخ ينفش وممكن يطلع برا و يحوس الدنيا🌚🏃🏼♀️
و بالعافيه عليكم مقدماً حبايبي♥️😩
