مساكم الله بالخير يالمتابعين من الشمال التركي وكيف حالكم و عساكم بخير رحلتنا امس الى مرتفعات حيدر نبي في مدينة طربزون من الصبح حتى المساء وحصلت على مخيم صغير على المرتفع وأجرت خيمه مفروشه بثلاثين ليره بالساعه وكان المطبخ المتنقل معاي من الكويت شنطة كامله من قدور واواني وبهارات وشريت موقدين صناعة تركيه بستين ليره للواحد كامل مع الغاز
وأولادي اطلبوني يبون مجبوس دجاج على شبنت ابطنه مثل الكبسه وشريت صدور دجاج كيلوين منزوع الجلد وبصل وشبنت وطماط وثوم ومعجون الطماط وزيت طبخ واستخدمت بهارات سليمان القصار وشويت كركم ناقصنا الباقلا الأخضر غير متوفر حسافه جان اكملت
الطريقة قطعت البصل وحمسته مع زيت طبخ لين صارذهبي وبهرت الدجاج ببهار سليمان القصار مع شويت كركم وأضفته على الحمسه وحمسته الدجاج عشر دقايق عدل لين تغير لونه واضفت الملح وبعدين أضفت شدة شبنت اخضر وحمستها مع الدجاج وأضفت قليل من الماي وسكرت القدر ربع ساعه لين استوى الدجاج وأضفت ٦ اكواب رز بسمتي منقوع نص ساعه مع شبنت شده ثانيه وأضفت عليه الماء ووزنت الماء مع الملح وسكرت القدر اول مايصفر نحسب عشر دقايق ونوطي على النار هاديه وفتحت القدر وقدمته للأولاد مع الدقوس الطماط الخاثر الثقيل مثل الفديو واللبن الحامض داخل الخيمه على المرتفع طبخه سريعه بدون تكليف ولاحشو ريحتها جميله والدجاج مستوي والعيش مفتل نثري اذا عجبكم المقطع لاتنسوني بالايكات والكومنتات الجميله 🌹🌹🌹🌹
