لقيمات مضبوطه ميه بالميه والوصفه من الحب الكبير : ماما الله يطول بعمرها ولا يخليني ♥️ .
المقادير
- علبة زبادي 170 جرام
- م ك سكر
- نص ملعقة صغيرة ملح
- ملعقة كبيرة خميرة فورية
- ملعقتين كبيرة نشاء
- بيضة
- ملعقتين كبيرة زيت
- علبة الزبادي نقيس فيه الطحين ( طحين فوم ) نعبّيه بالكامل مرتين
- نعبّيه مره وحده ماء
طريقة التحضير
بصحن عميق نضيف كل المقادير مع بعض وبعدين آخر شيء الطحين ونخلط زين ونغلفه بالنايلون ونخليه يرتاح ساعه الى ساعه ونص وبعدين نخلطه باليد نطلع الهواء ، ويصير عندنا صحن صغير فيه ماء مخلوط معه شوي زيت ونبدأ بالتلقيم بالملعقة ..
بقدر القلي نضيف زيت نباتي أحب استخدم دوار الشمس لأنه يتحمل حرارة عاليه 400 فهرنهايت وما يدخن فهو ممتاز بالقلي ..
لمن توصل درجة حرارة الزيت 350 فهرنهايت أبدأ أنزل العجين يعني في البدايه لازم تكون النار حاره بعدين ننزلها ونخليها وسط ونبدأ نقلب باستمرار لين توصل اللقيمات لون حلو لازم لازم نطول وحنا نحرك عشان تحافظ على قوام القرمشه من برا ومن جوا تصير هشّه وفيها فراغات ..
وآخر شيء نقلبها بعسل أو دبس أو شيره تكون قوامها ثقيل .. وبألف عافيه متحمسه مره لتطبيقاتكم 😍 ..
القدر حديد أخذته من التميمي ممتاز بالقلي مايحمر الشيء بسرعه مثل التيفال مثالي جداً جربو تقلون فيه 👌🏻
