الريحان الطازج يسوي شغل جبااار بالطعم 😍
او عادي حطوا مجفف لو مره مالقيتوا الطازج
– اول خطوة صوص اللحم:
بصل ابيض ع نار عاليه بدون زيت بس ياخذ لون ويتحمر اضيف زيت زيتون كمية حلوة
واضيف ثوم مهروس ولحم مفروم
انا استخدم لحم مفروم جملي
يتغير لونه اضيف جزر مبشور ع الناعم
وملح وفلفل وكمون وكزبرة وزعتر وبودرة ثوم
وريحان مفروم وطماطم مصحونة ومعجون طماطم واضيفهم واضيف مويه واتركها ع نار هاديه تتسبك ممكن تاخذ معكم فتره هذي الخطوة انا اختصرتها وقبل رمضان سويت صوص طماطم مكشن وجاهز وسبكته فتره طويله ووزعته باكياس وبالفريزر ..
– صوص البشاميل :
نص اصبع زبده وملعقتين ك زيت
ونص كوب دقيق واقلبهم الين يتحمص الدقيق
ونضيف الحليب ساخن مره بالبداية اضيف ثلاث اكواب حليب مع التحريك المستمر وشوفوا ممكن تضيفون حليب كمان او تكتفون اذا عجبك القوام ثقيل شوي خلاص اخر شئ نضيف ملح وفلفل ونبدا نسوي الطبقات
بين البشاميل وصوص اللحمة واللازانيا اللي ماتحتاج سلق
بين الطبقات ممكن تضيفون جبن بارميزان وموزاريلا بس انا اكتفي بالجبنة بالاخير
بس واعلفها بورق زبده وقصدير وع الفرن الحرارة من تحت وفوق مع بعض مدة نص ساعة او اكثر شوي وافتح الغطاء واحمرها من فوق دقايق
وبالعافية 😍🖤🤍
