💘اللهم بعدد احرف القرآن اسعد و حقق امنيات كل من قال(سبحان الله وبحمده)💘.
لازانيا التورتيا …لذييييييذه. لذيذه لذيذه …بسيطه وبسرعه تجهز ….
يحمس اللحم المفروم او الدجاج المفروم مع البصل والفلفل البارد والثوم ثم يضاف له ريحان وزعتر بري مجفف وبهارات ايطالية وبابريكا ونعناع مجفف وملح وفلفل اسود ويضاف له فطر مقطع قطع صغيرة
وبعدها يضاف له معجون طماطم وطماطم مطحونة ويترك يتسبك شوي على النار خمس دقايق ويكون جهز
الباشميل
طريقة الباشميل :
احمس خمس الى ست ملاعق دقيق ابيض بقطعة زبدة وبعدين اضيف له ثلاث اكواب حليب سايل بس اضيفه بالتدريج مع تحريك مستمر عشان تدوب التكتلات وبعدين اضيف له ملح وفلفل اسود وجبنة موزاريلا واحركه لين يبدا يثقل وان حسيتيه ثقيل خففيه بشوي موبة وان كان خفيف ذوبي ملعقتين دقيق بشوي موية وضيفيه للخليط وبس 😊
تجيبين صينية فرن دائرية وتحطين فيها تورتيلا بحيث تختارين مقاس التورتيلا حسب مقاس صينيتك بمعنى لاتاخذين تورتيلا مقاس صغير وصينيتك كبيرة والعكس
تحطين اول طبقة شريحة تورتيلا وفوقها صوص اللحمة وتصبين عليها شوي من الباشميل وترشين موزاريلا وبعدين تحطين طبقة تورتيلا وتكررين الخطوات بانك تضيفين صوص اللحمة والباشميل والجبنة وتكررين الخطوات حتى اخر شي بحيث تكون اخر طبقة اللحمة وتغطينها بالباشميل تماااااماً وترشين جبنة موزاريلا وتدخلينها فرن ساخن لمدة ربع ساعة وبعدين حمري وجهها وقدميها بالعافية 👌 .
@mayomah22
