كيكة تفآح بالتشيز كريم 🍎♥️😋👌🏻
شويه عليها كلمة روعه هالكيكه طريّه ولذيذه لذاذه 🙊
الطريقه أخذتها من ( made belbayt)
المقادير
- ١٧٠ زبده بحرارة المطبخ .
- كوب وربع سكر أبيض .
- جبنة كريميه بحرارة المطبخ مثل فلاديفيا ٢٠٠ جرام أو جبن كيري ١٢ حبه .
- بيضتين بحرارة المطبخ .
- م ك فانيلا سائله .
- كوب ونص طحين منخول .
- رشة ملح .
- م ص بيكنج بودر .
- ٣ تفاحات لونها أحمر مقشّره ومقطعه مكعبات .
- م ك عصير ليمون .
طريقة التحضير
١- نجهز المقادير ، ونشغل الفرن على درجة ٣٥٠ فهرنهايت للكهربائي والفرن العادي ١٨٠ درجة مئويه ونخلي الرف بالوسط .
٢- نخلط التفاح مع الليمون ونخليه على جمب .
٣- بالخلاط الكهربائي أو اليدوي نخلط السكر الابيض مع الزبده لين يمتزج وبعدين نضيف الجبن والفانيلا وبعدين البيض وحده ورى وحده .
٤- وبعدين الطحين مخلوط معه ملح وبيكنج بودر ونخلطه مع باقي الخليط بدون مانكثر خلط وبعدين نضيف التفاح ونقلبه مع الخليط بالملعقه .
٥- نجيب صينيه حجم صغير أو قوالب على راحتكم وندهنها بالزبده ونرش طحين ونحط الخليط .
٦- نضيف فوق الخليط :/
نص كوب جوز مكسّر + ثلث كوب سكر بني + ملعقة طعام قرفه مطحونه أو ملعقه صغيره حسب الرغبه .
٧- ندخلها للفرن جلست معي ٤٥ دقيقه .
٨- عند التقديم تكون دافيه ومعها آيسكريم وتوفي أو صوص كاسترد ( تذوبون بودرة كاسترد فوستر كلارك مع شوي حليب وسكر )
أو صوص جبن كيري ونستله على راحتكم . .
جربوها بتحبونها لذيييييذه 😋👌🏻♥️🍎
